Höfundur: Sigurður Hólm Gunnarsson
Efnisorð: Ríki og trú, Siðmennt, Vísun
Viðbrögð: Ummæli (
Innanríkisráðuneytið vinnur nú að frumvarpi að lögum sem eiga að jafna stöðu lífsskoðunarfélaga á Íslandi. Þetta kom fram í svari Ögmundar Jónassonar, innanríkisráðherra, við fyrirspurn Baldurs Þórhallssonar um stöðu lífsskoðunarfélaga. Þetta er fagnaðarefni. Ég hef reyndar alltaf verið þeirrar skoðunar að hið opinbera eigi að skipta sér sem minnst að trúar- og lífsskoðunum fólks. Um leið tel ég að ef stjórnvöld ætla sér að styðja trúfélög og önnur lífsskoðunarfélög þá verði að vera jafnræði í slíkum stuðningi.
Höfundur: Sigurður Hólm Gunnarsson
Efnisorð: Fjölmiðlar, Vísun
Viðbrögð: Ummæli (
Kjánatrukkur nokkur kemur ítrekað fram í fjölmiðlum og stærir sig af lögbrotum og ofbeldisverkum. Maðurinn viðurkennir fúslega að hann starfi sem handrukkari og að hann eigi nóg af peningum. Hvað gerir lögreglan við svona opinberar játningar?
Yfirlýstur glæpamaðurinn skrifar reglulega athugasemdir við fréttir um sig í netmiðlum og sendir á Facebook. Oftar en ekki fá athugasemdir kjánans flest „like“. Hvað segir þetta um lesendur? Er allt í lagi að „líka við“ bullið glæpahyski? Aumingja- og hálfvitadýrkunin á Íslandi virðist óþrjótandi.
Höfundur: Sigurður Hólm Gunnarsson
Efnisorð: Blaður, Vísun
Viðbrögð: Ummæli (
Ætli Pétur Jóhann eigi eftir að gera jafn mikið fyrir stétt iðjuþjálfa í Heimsendi (þar sem hann leikur iðjuþjálfa) og hann gerði fyrir „starfsmann á plani“ í Næturvaktinni? Síðan sú þáttaröð var sýnd hafa „starfsmenn á plani“ svo gott sem horfið af bensínstöðvunum…
p.s. ég er iðjuþjálfi.
Höfundur: Sigurður Hólm Gunnarsson
Efnisorð: Hugmyndafræði, Vísun
Viðbrögð: Ummæli (
Ég horfði á Hamfarakenninguna (The Shock Doctrine) á RÚV í gær. Hvað ætli frjálshyggjuvinum mínum finnist um það sem fram kom í þessari mynd? Allt bölvaður áróður geri ég ráð fyrir. Ég geri mér grein fyrir því að raunveruleikinn er einfaldaður í svona myndum en það er ekki hægt að horfa fram hjá því að helstu talsmenn frjálshyggjunnar hafa í gegnum tíðina stutt ofbeldismenn og einræðisherra í nafni hugsjónarinnar.
Sjá einnig:
Svalir siðleysingjar