„Hvernig fór Trump að því að vinna?“ spyrja margir. Svarið er frekar einfalt að mínu viti. Trump lofaði, aftur, að breyta kerfinu. Maður fólksins.
Demokratar fóru í manninn og reyndu mest að sækja fylgi til hægri eða inn á miðjuna. Engum nema atvinnupólitíkusum dettur í hug að það sé góð strategía.
Almenningur vill lausnir við áskoranir daglegs lífs. Heilbrigðisþjónustu og menntun án skuldafangelsis svo dæmi sé tekið. Bandarískur almenningur vill, eins og þorri alls almennings í heiminum, betra líf.
Slíkt samfélag er best byggt með framsæknum félagshyggjuhugmyndum. Fólkið sem tryggði Trump sigur er mikið til sama fólk og hefði kosið Bernie Sanders. Venjulegt fólk sem upplifir, réttilega, að stjórnmálamenn skilji ekki áhyggjur þess og hlusti ekki á það. Munurinn er auðvitað sá að Sanders boðar frið, samvinnu og mannúð á meðan Trump boðar útlendingaandúð, ófrið og fasisma (og já þeir sem tala eins og fasistar mega vera kallaðir fasistar).
Vonandi lærir félagshyggjufólk hér á fróni eitthvað af þessum hörmungum.
