Sem miklum aðdáanda „Dark Woke“ finnst mér ógeðslega fyndið að lesa trollið í garð MAGA-liðsins á X eftir kosningarnar. Fólk er að taka allar helstu martraðir þess um „woke“ og gera úr þeim ríkisstjórnaráætlun. Okkar „Project 2027“.
Nú á að breyta öllum Cheesecake Factory-veitingastöðum í þungunarrofsstofur. Setja ný fornöfn í umferð sem enginn getur einu sinni borið fram. Banna cis-fólki að stunda íþróttir. Og auðvitað fara hús úr húsi til að bólusetja Repúblikana.
Einn leggur til að kenna heilaormi Roberts F. Kennedy yngri gagnrýna kynþáttafræði (critical race theory). Annar vill setja barnastjörnuna Ms. Rachel á hundrað dollara seðilinn. Svo er Chick-fil-A skipað að hafa framvegis opið á sunnudögum.
Ein manneskja er svo spennt að hún veit ekki hvar hún á að byrja: „Á ég fyrst að fara í kynleiðréttingu eða þungunarrof?“ Önnur birtir teikningu af konu með höfuðslæðu og gervifót á regnbogalitum bakgrunni og segir: „Þetta kvöld var fyrir hana.“
Í einni færslunni er haft eftir Abdul El-Sayed að fyrst Trump eigi svona erfitt með nafnið hans geti hann einfaldlega kallað hann „öldungadeildarþingmann“ eftir embættistökuna. Við því spyr einn: „Ég hélt að múslimar mættu ekki elda svín?“ Þar er auðvitað verið að vísa til þess að Abdul hafi „roastað“ Trump.
Og fyrir þá sem eru þegar komnir í biðröð eftir nýjum fornöfnum eru skilaboðin skýr: „HALDIÐ YKKUR Í RÖÐINNI.“
Eftir allan hræðsluáróðurinn um transfólk, bólusetningar, múslima og voðalega vinstrimenn er eitthvað afskaplega heilbrigt við að svara þessu með svona fáránlegum húmor. Taka bullið, skrúfa það upp í ellefu og hlæja aðeins.
Það besta er að margir fatta ekki að þetta er troll. Það er ógeðslega fyndið og sorglegt í senn.
WOKE 3.0 verður „legendary“.
