Ég vil segja JÁ við aðildarviðræðum við ESB. Af hverju? Af því ég vil fá að taka ákvörðun sjálfstætt út frá fullgerðum samningi. Ekki út frá því sem að þú, [Hannes Hólmsteinn]*, Ólafur Ragnar, Samherji, talsmenn einhverra flokka eða aðrir hagsmunaaðilar fullyrða að felist í aðild. Ég er sjálfstæður maður og vil ekki láta aðra segja mér fyrir verkum.
Ég reyni að taka upplýstar ákvarðanir út frá gögnum og staðreyndum. Ekki út frá skoðunum eða fullyrðingum annarra. Ég skil ekki NEI sinna því að með því að segja nei er sumt fólk að koma í veg fyrir að allir aðrir fái fullnægjandi upplýsingar um aðild. Hver getur verið á móti betri upplýsingum? Ég skil það einfaldlega ekki. Ég skil heldur ekki fólk sem er svo hrokafullt að það þykist vita nákvæmlega hvað felst í aðild án þess að fá samning.
Að lokum tek ég það fram að ef ég yrði neyddur til að taka afstöðu til AÐILDAR að ESB núna án fullnægjandi upplýsinga, án samnings, myndi ég að sjálfsögðu segja NEI. Ég tek upplýstar ákvarðanir út frá staðreyndum, ekki út frá hugarburði annars fólks.
*Bæti Hannesi við þessa upptalningu þar sem hann er farinn að gera athugasemdir við færslur hjá mér.
