Hoppa í efni

Þeir sem eiga mest kvarta mest

Sigurður Hólm Gunnarsson | 20.11.2026

Það eru fáar atvinnugreinar sem kvarta jafn hátt yfir gjöldum og sjávarútvegurinn og ferðaþjónustan. Það má helst ekki rukka veiðigjöld og guð forði okkur frá því að hækka þau. Og um leið og einhver nefnir gjaldtöku í ferðaþjónustu virðist allt vera að fara á hliðina.

Svo koma tölurnar. Samkvæmt bráðabirgðatölum Hagstofunnar skilaði sjávarútvegurinn tæplega 64 milljörðum króna í hagnað árið 2025. Það er 55,5 prósenta aukning á einu ári. Brim, Samherji og Síldarvinnslan högnuðust hvert um sig um meira en átta milljarða. Í helstu greinum ferðaþjónustunnar batnaði afkoman í heild um 55,1 prósent, þótt hún hafi versnað hjá gististöðum og ferðaskrifstofum.

Auðvitað skiptir máli hvernig gjöldin eru útfærð. Lítið gistiheimili og stórt fyrirtæki hafa ólíkt bolmagn. En þegar þeir sem græða milljarða láta eins og það sé fráleitt að borga meira fyrir að nýta sameiginlegar auðlindir okkar finnst mér alveg óþarfi að leita flókinna skýringa á vælinu. Þetta er græðgi.

Það er stórhættulegt að sætta sig við vaxandi misskiptingu. Það er eðlilegt að auðmenn og stórfyrirtæki leggi meira til samfélagsins. Fyrirtæki þurfa á menntuðu fólki, góðum vegum og heilbrigðisþjónustu að halda alveg eins og við hin. Öflugt velferðarsamfélag er ein af forsendunum fyrir því að þau geti blómstrað.

Við græðum öll á sanngjarnri skattheimtu. Hún er hluti af því sem kostar að reka siðað samfélag.

Heimildir

Skrifa athugasemdLoka

Skrifa athugasemd

Netfangið birtist ekki. Málefnaleg umræða er vel þegin.

Nafn, netfang og IP-tala eru vistuð með athugasemdinni. Sjá persónuvernd.

Sjá einnig á Facebook

Um höfundinn

Sigurður Hólm Gunnarsson

Sigurður Hólm Gunnarsson er stofnandi og ritstjóri Skoðunar frá 1999. Hann er iðjuþjálfi, ráðgjafi og sáttamiðlari og rekur Allir sáttir. Hann hefur víðtæka reynslu af stjórnun og starfi með ungmennum og fjölskyldum. Sigurður rekur einnig Proxima og hefur áralanga reynslu af vefhönnun, vefumsýslu og upplýsingatækni, með sérþekkingu á WordPress og diplómapróf í vefmiðlun frá Háskóla Íslands. Á Skoðun skrifar hann um samfélagsmál, samskipti, hugmyndafræði og menningu.

Allar greinar höfundar (857) →

Fleiri greinar sem tengjast: Heilsa og velferð

Stillingar vafrakaka

Nauðsynleg geymsla man valið þitt. Prófílmyndir og utanaðkomandi myndir falla undir virkni; myndbönd og samfélagsmiðlaefni undir markaðssetningu og innfellingar. Independent Analytics mælir heimsóknir á vefþjóninum án vafrakaka og er aðskilið frá þessum flokkum.