Hoppa í efni

Þegar tölvan segir nei og fólk frýs

Sigurður Hólm Gunnarsson | 18.11.2026

„Ég var frosinn í gær og í morgun.“ Þannig lýsti íbúi á Sævarhöfða nóttunum í hjólhýsinu sínu í frétt RÚV. Þar býr fólk án rafmagns og vatns á meðan frostið í Reykjavík fer niður í tveggja stafa tölur. Maðurinn segist neyðast til að vera þar áfram. Frétt RÚV frá 17. nóvember

Það er einhver sérstök tegund af skeytingarleysi að loka fyrir vatn og rafmagn þar sem fólk býr og svipta það um leið möguleikanum á að hita híbýli sín. Um hávetur getur það kostað mannslíf. Er í alvöru ekki hægt að finna farsæla lausn fyrir fólk sem hefur lítið á milli handanna og á hvergi annars staðar höfði sínu að halla? Auðvitað er það hægt ef viljinn er fyrir hendi.

Borgarráð vísaði frá tillögu um að opna aftur fyrir vatn og rafmagn yfir veturinn. Meirihlutinn vísaði til óviðunandi brunavarna og fyrirhugaðrar uppbyggingar á svæðinu. Ef brunavarnir á svæðinu eru ófullnægjandi þarf borgin að útvega íbúunum öruggt húsaskjól. Hvar á fólkið að sofa í nótt? Fundargerð borgarráðs, 15. liður

Mér finnst sjálfum hjólhýsabyggð óheppilegt langtímaúrræði. Ég vil að fólk hafi kost á öruggu húsnæði sem það hefur efni á. Ef borgin vill leggja byggðina niður þarf hún að bjóða fólkinu sem þar býr raunhæfan kost og gefa því færi á að nýta sér hann áður en hún lokar. Þannig verður búseta við þessar aðstæður óþörf.

Það þarf að tala við fólkið sem enn býr á Sævarhöfða og tryggja því hlýtt og öruggt húsaskjól strax. Þangað til þarf borgin að tryggja fólkinu örugga aðstöðu með vatni, hita og rafmagni. Það er ómanneskjulegt að skilja fólk eftir í nístingskulda og láta eins og málið sé afgreitt af því að tölvan segir að svæðinu hafi verið lokað.

Heimildir

Skrifa athugasemdLoka

Skrifa athugasemd

Netfangið birtist ekki. Málefnaleg umræða er vel þegin.

Nafn, netfang og IP-tala eru vistuð með athugasemdinni. Sjá persónuvernd.

Sjá einnig á Facebook

Um höfundinn

Sigurður Hólm Gunnarsson

Sigurður Hólm Gunnarsson er stofnandi og ritstjóri Skoðunar frá 1999. Hann er iðjuþjálfi, ráðgjafi og sáttamiðlari og rekur Allir sáttir. Hann hefur víðtæka reynslu af stjórnun og starfi með ungmennum og fjölskyldum. Sigurður rekur einnig Proxima og hefur áralanga reynslu af vefhönnun, vefumsýslu og upplýsingatækni, með sérþekkingu á WordPress og diplómapróf í vefmiðlun frá Háskóla Íslands. Á Skoðun skrifar hann um samfélagsmál, samskipti, hugmyndafræði og menningu.

Allar greinar höfundar (852) →

Fleiri greinar sem tengjast: Heilsa og velferð

Stillingar vafrakaka

Nauðsynleg geymsla man valið þitt. Prófílmyndir og utanaðkomandi myndir falla undir virkni; myndbönd og samfélagsmiðlaefni undir markaðssetningu og innfellingar. Independent Analytics mælir heimsóknir á vefþjóninum án vafrakaka og er aðskilið frá þessum flokkum.