Í sömu viku og gleðigangan er haldin í Reykjavík auglýsir Þjóðkirkjan svokallaða Hátíð vonar með bandaríska predikaranum Franklin Graham (syni Billy Graham). Franklin er, eins og pabbi sinn, þekktur fyrir að vera á móti réttindum samkynhneigðra. Hann hefur reglulega sagt að ekki sé „pláss“ fyrir hjónabönd samkynhneigðra enda stafi samfélaginu beinlínis „ógn“ af slíkum samböndum.
Mér finnst eitthvað verulega rangt við að stjórnarskrárvernduð og ríkisstyrkt þjóðkirkja taki þátt í að flytja inn mann með slíkar skoðanir. Að sama skapi er óviðeigandi að auglýsa viðburðinn um leið og við Íslendingar fögnum sjálfsögðum réttindum samkynhneigðra hér á landi.
Þjóðkirkja sem segist reglulega vera fyrir alla (sem er ekki rétt), og þiggur mikinn stuðning frá hinu opinbera, hlýtur að þurfa að vanda sig betur þegar kemur að trúboði og áróðri.
Skoða 3 athugasemdirFela athugasemdir
Kirkjan snýr ekki baki við glæpamönnum þótt hún prediki gegn þjófnaði, ofbeldi o.þ.h. Getur það sama ekki átt við um samkynhneigð?
Rót vandans liggur náttúrulega í trúarbrögðunum sjálfum. Þau eru bundin af einhverju bronsaldarrugli.Aldeilis komin tími tiil að snúa baki við þessari kirkju sem er svo ókristileg
Íslendingar eru ekki á móti samkynhneigðum. Það er skoðun þessa manns að samkynhneigð sé slæm.
Hvað er að því að hann hafi þá skoðun?
Ekki veit ég hversu stór þáttur þjóðkirkjunnar er í þessu, en má rödd þessa manns ekki heyrast?
Er sannfæring Íslendinga um réttindi samkynhneigðra það veik, að hún þolir ekki sjónarmið annarra?
