Ég sé í viðtali við Sigmund Davíð á Vísi í dag að hann er enn með regnbogafánann á heilanum. Hann vill bara íslenska fánann í skólum og opinberum byggingum. Regnbogafáninn gæti nefnilega ýtt börnum út í eitthvað „trend“.
Hann rifjar líka upp bandarísku hefðina að skólabörn standi upp, leggi hönd á hjarta og hylli þjóðfánann. Kannski leggur Miðflokkurinn til svipaða hefð hér á landi. Dagleg fánahylling væri þá ágæt, en regnbogafáni í skóla varasamur. Það er sérstakt mat á hugmyndafræðilegri innrætingu.
Svo eru það auðvitað útlendingarnir. Þeir virðast vera skýringin á nánast öllum vanda samfélagsins. Fánar, útlendingar og auðvitað transfólk. Það þarf alltaf að minnast á trans. MAGA-væðing Miðflokksins virðist vera fullkomnuð.
Á meðan hefur formaðurinn ekki tekið þátt í einni einustu af fyrstu 23 atkvæðagreiðslum þingsins. Kannski er það bara ágætt, miðað við áherslurnar.
Hann boðar þó nýjar tillögur í útlendingamálum og segist brátt ætla að vera aftur meðal þeirra sem tala mest á þingi.
Hlakkar ykkur ekki til?
