Hoppa í efni

Málþing: Trúfrelsi og lífsskoðanafélög

Sigurður Hólm Gunnarsson | 15.05.2006

Ég mun flytja stutt erindi á málþingi 18. maí næstkomandi sem ber yfirskriftina Trúfrelsi og lífsskoðanafélög og er á vegum Mannréttindaskrifstofu Íslands. Allir eru velkomnir.

Hér fyrir neðan er fréttatilkynning vegna málþingsins:

Hinn 18. maí næstkomandi, kl. 16:15-18, munu Mannréttindaskrifstofa Íslands og Siðmennt, félag siðrænna húmanista á Íslandi, standa að málþingi sem ber yfirskriftina Trúfrelsi og lífsskoðanafélög. Lífsskoðanafélög eru félög sem fjalla um siðferði og lífsskoðanir og sjá meðlimum fyrir félagslegum athöfnum eins og nafngift, fermingu, giftingu og greftrun (dæmi Siðmennt á Íslandi og Human Etisk Forbund í Noregi) en tilgangur málþingsins er að fjalla um jafnræði trúfélaga, skráningu lífsskoðanafélaga og trúfrelsi á Íslandi.

Á fundinum mun fulltrúi Mannréttindaskrifstofunnar tala um trúfrelsi út frá mannréttindasjónarmiðum, Oddný Mjöll Arnardóttir, hdl. Ph.D, mun fjalla um skráningu trúfélaga út frá mannréttindasamningum og ákvæðum stjórnarskrár, Sigurður Hólm Gunnarsson, varaformaður Siðmenntar mun tala um lífsskoðunarfélög og viðhorf Siðmenntar, og Lorentz Stavrum, lögfræðingur Human Etisk Forbund (HEF) í Noregi, mun segja frá réttarþróun og stöðu mála í þar í landi.

Að fyrirlestrum loknum munu fulltrúar stjórnmálaflokka kynna viðhorf flokka sinna til viðfangsefnisins en að framsögum loknum verður opnað fyrir spurningar og umræður.

Fundurinn fer fram í Kornhlöðunni, Bankastræti 2. Aðgangur er ókeypis og öllum opinn.
Nánari upplýsingar veitir Guðrún D. Guðmundsdóttir, framkvæmdastjóri Mannréttindaskrifstofu Íslands
S: 8950085

Skrifa athugasemdLoka

Skrifa athugasemd

Netfangið birtist ekki. Málefnaleg umræða er vel þegin.

Nafn, netfang og IP-tala eru vistuð með athugasemdinni. Sjá persónuvernd.

Um höfundinn

Sigurður Hólm Gunnarsson

Sigurður Hólm Gunnarsson er stofnandi og ritstjóri Skoðunar frá 1999. Hann er iðjuþjálfi, ráðgjafi og sáttamiðlari og rekur Allir sáttir. Hann hefur víðtæka reynslu af stjórnun og starfi með ungmennum og fjölskyldum. Sigurður rekur einnig Proxima og hefur áralanga reynslu af vefhönnun, vefumsýslu og upplýsingatækni, með sérþekkingu á WordPress og diplómapróf í vefmiðlun frá Háskóla Íslands. Á Skoðun skrifar hann um samfélagsmál, samskipti, hugmyndafræði og menningu.

Allar greinar höfundar (858) →

Fleiri greinar sem tengjast: Trú og veraldlegt samfélag

Stillingar vafrakaka

Nauðsynleg geymsla man valið þitt. Prófílmyndir og utanaðkomandi myndir falla undir virkni; myndbönd og samfélagsmiðlaefni undir markaðssetningu og innfellingar. Independent Analytics mælir heimsóknir á vefþjóninum án vafrakaka og er aðskilið frá þessum flokkum.