Það var virkilega gaman að sjá hve margir mættu til að taka þátt í Hinsegin dögum í dag þrátt fyrir hellidembu. Það var örugglega sett met í regnhlífanotkun í dag. Eins og venja er var skrúðgangan litskrúðug og fjörug og mikið um dýrðir.
Þegar að Lækjargötu var komið voru sýnd skemmtiatriði og hrífandi ávörp flutt. Í einni ræðunni voru skoðanasystkini páfans og Bush Bandaríkjaforseta hér á Íslandi hvött til að koma út úr skápnum með fordóma sína. Öðruvísi er ekki hægt að berjast gegn fordómunum. Ég óska aðstandendum hátíðarinnar til hamingju.
Sjá myndir af Hinsegin dögum.
Skoða 3 athugasemdirFela athugasemdir
Flottar myndir! Veistu e.t.v. um fleiri sem tóku myndir á GayPride 2003 í Reykjavík? Kveðja, Þröstur
Takk fyrir það Þröstur. Þú stóðst þig líka eins og hetja með Laugaráskvartettinum! Vissi ekki að þú værir svona fínn söngvari! Annars var fullt af fólki að taka myndir þarna. Þekki því miður engan persónulega.
Það má finna fleiri myndir undir "Fréttir" á vefsíðu Samtakanna '78:
http://www.samtokin78.is
