Ein helsta hetja fordómafullra íhaldsmanna í Bandaríkjunum í dag er Kim Davis, sýsluritari í Kentucky. Davis varð fræg fyrir að neita að gefa út giftingarleyfi fyrir samkynja pör vegna þess að giftingar samkynhneigðra stangast á við trúarskoðun hennar. Á Íslandi myndi biskup Íslands (og staðgengill hans) kalla afstöðu Davis „samviskufrelsi“.
Vandinn er að þar sem Kim Davis er opinber starfsmaður er henni óheimilt að mismuna fólki, jafnvel þó að trúarskoðun hennar boði slíka mismunun. Því var Davis sendi í fangelsi í fimm daga fyrir að brjóta á samborgurum sínum.
Þjóðkirkjan á Íslandi er opinber stofnun. Prestar og biskupar eru á launaskrá ríkisins, starfsemi kirkjunnar er mikið til fjármögnuð af hinu opinbera auk þess sem Þjóðkirkjan nýtur sérstakrar verndar í sjálfri stjórnarskrá Íslands.
Að auki hafa prestar Þjóðkirkjunnar, rétt eins og vígslumenn hjá öðrum skráðum trú- og lífsskoðunarfélögum, lagalegt vald til að gefa saman fólk. Hjónavígslur trú- og lífsskoðunarfélaga er veraldlegur löggjörningur sem hefur raunveruleg áhrif á borgaraleg réttindi og skyldur.
Á meðan Þjóðkirkjan er fjármögnuð af hinu opinbera, vernduð í stjórnarskrá og hefur vald til að hafa áhrif á borgaraleg réttindi fólks á að sjálfsögðu að banna starfsmönnum hennar að mismuna fólki vegna kynhneigðar. Þetta ætti öllum að vera ljóst.
Öllum nema biskupi Íslands og staðgengli hans. Okkar Kim Davis.
Skoða 1 athugasemdFela athugasemdir
Hvað er hjónaband, að fornu og nýju? Það er sáttmáli karls og konu um það að stofna til fjölskyldu.
Hvað er fjölskylda? Fjölskylda er karl, kona og þeirra börn.
Hvers vegna eru samkynhneigðir að reyna að gefa sínni sambúð þetta heiti, hjónaband. Því sætta þeir sig ekki við sína afstöðu og búa saman á þann hátt sem þeir kjósa en láta hjónabandið í friði? Það getur ekki verið markmið samkynhneigðra að stofna til fjölskyldu, til þess eru þeir ekki færir frá náttúrunnar hendi. og mér finnst þessi þráhyggja líkjast minnimáttarkend. Það er mín skoðun að þeir hætti nú að ráðast á hjónabandið, finni sér eitthvað nafn á sitt samband og fái það viðurkennt. Gjarnan má staðfesta þetta samband með vígslu eins og hjónaband. Þannig er það sambúð, byggð upp á sama hátt og hjónabandi og jafngilt því. Þetta er mín skoðun og þau rök að allar skoðanir sem ekki hugnast tilteknum hópi séu fordómar sætti ég mig ekki við. Í frjálsu þjóðfélagi hafa allir mann rétt á því að hafa skoðun.
