Gísli Freyr Valdórsson er nýr aðstoðarmaður Hönnu Birnu Kristjánsdóttur innanríkisráðherra. Gísli Freyr er eflaust góður drengur en miðað við ýmsar þær skoðanir sem hann hefur haft í gegnum tíðina velti ég því fyrir mér hvort íslenski teboðsarmurinn sé að ná algerum völdum í Sjálfstæðisflokknum.
Fyrir nokkrum árum gagnrýndi ég til dæmis afstöðu hans gegn fóstureyðingum. Líkti hann fóstureyðingum við fegrunaraðgerðir og sagði að konur ættu einfaldlega að bera ábyrgð á eigin hegðun (Sjá: Femínistar, frjálshyggjumenn og fóstureyðingar).
Einnig virðist Gísli Freyr ekki hafa yfirgripsmikla þekkingu á vísindum. Hann hefur efast um hnattræna hlýnun og sá þannig ástæðu til þess að benda fólki á að í eitt sinn hefði snjóað á meðan Al Gore hélt ræðu um málefnið (Sjá: Vísindakennsla fyrir hægrimenn).
Ríma þessar skoðanir ágætlega við málflutning bandarísku teboðshreyfingarinnar. Ég er ekki viss að mér líði vel með að fólk með þessar skoðanir vinni við að aðstoða ráðherra.
Skoða 9 athugasemdirFela athugasemdir
Ég verð að segja það að mér verður um og ó ef raunverulega er hætta á því að þessar skoðanir verði ofan á hjá íslenskum stjórnvöldum. Það væri hræðilegt fyrir íslenskan almenning.
Hefur fólk ekki heyrt um getnaðarvarnir?
hvað er að fólki? auðvitað borga konur fyrir að fara í fóstureyðingu, alveg eins og fólk á Íslandi borgar fyrir allar læknisaðgerðir, t.d. það sem Rósa nefnir hér: kvenlæknisskoðun, krabbameinsleit, speglanir og fleira. það sem hins vegar þessi gaur var að tala um var að konur ættu að borga að fullu, eins og þær þurfa að gera ef þær vilja láta slétta úr hrukkum framan í sér. fyndið samt að hann minnist ekkert á að karlarnir eigi að borga neitt, sennilega heldur hann að börn séu almennt eingetin.
Honum finnst augljóslega ólétt kona ljót kona sem þurfi að fara í fegrunaraðgerð. Ég er sammála því að það að manni líður ekki vel að maður með þessar skoðanir skuli vinna svona náið með ráðherra.
Það segir svolítið um ráðherrann. En vissulega getur þetta verið liður í því að hampa kristilegum gildum í anda landsfundarins.
Maron Bergmann Jónasson Við verðum nú að vona að í flestum tilfellum sé barnið ekki eingetið en auðvita er hægt að toga þetta og teygja. Það er ekki samansem merki um borgun og hvort kona sé í lífshættu - sú kona þarf ekki að vera öreigi. Ég hef ekki sagt að fóstureyðingar eigi ekkirétt á sér eins og í þeim tilvikum. Friðarkveðjur
Hafið engar áhyggjur. Jafnvel þó að BNA-búar séu upp til hópa: heimskir, feitir og almennt með hausinn upp í óæðri endanum á sjálfum sér, þá hafa þeir samt HAFNAÐ Teboðshreifingunni. Slíkt hið sama mun gerast hérna. Þessi dáti (Gísli Freyr) sér sjálfur um að grafa undan sér og sínum skoðunum.
Sammála, þetta er uggvænlegt.
Ég hef aldrei verið með fóstureyðingum, en setningin "konur ættu einfaldlega að bera ábyrgð á eigin hegðun" finnst mér ekki eiga rétt á sér þar sem það er ekki frekar konunni en karlinum að kenna þegar "slys" verður. Það þarf tvo til, hálviti
Ég er heimilislæknir. Mér finnst umhugsunarvert að litið sé á fóstureyðngu sem lækningaaðgerð. Hún er það auðvitað ekki. Ég er fremur hlynntur því að konur eða fjölskyldur þeirra greiði sjálfar fyrir fóstureyðingu. Þannig er ábyrgðin að taka líf eingöngu þeirra, en ekki samfélagsins eða annarra samborgara og ekki þeirra að borga fyrir þetta.
