Hagstofan birti í dag nýjar tölur um trúfélagsaðild landsmanna. Fimm prósent landsmanna skrá sig nú utan trúfélaga sem er aukning um 1,4% frá því í fyrra. Langflestir (3.619) þeirra sem breyttu trúfélagsaðild sinni á síðasta ári skráðu sig utan trúfélaga. Mun færri (960) skráðu sig í einhvern fríkirkjusafnaðanna þriggja.
Þeir sem standa utan trúfélaga mynda langstærsta hópinn fyrir utan Þjóðkirkjuna.
1. Þjóðkirkjan - 77,2%
2. Utan trúfélaga - 5,0%
3. Kaþólska kirkjan - 2,9%
4. Fríkirkjan í Reykjavík - 2,7%
5. Fríkirkjan í Hafnarfirði - 1,6%
6. Óháði söfnuðurinn - 1.0%
7. Hvítasunnukirkjan á Íslandi - 0,7%
8. Ásatrúarfélagið - 0,6%
Fjöldi þeirra sem er utan trúfélaga (5,0%) er töluvert meiri en samanlagður fjöldi þeirra sem eru í Fríkirkjunni í Hafnarfirði, Óháða söfnuðinum, Hvítasunnukirkjunni á Íslandi og Ásatrúarfélaginu (Samtals 3,9%)
Hafa ber þetta í huga næst þegar talað er um þá sem eru ekki í skráðu trúfélagi sem einhvern jaðarhóp.
Skoða 3 athugasemdirFela athugasemdir
Fínt að sjá þetta í þessu samhengi. Á þremur árum er trúlausi hópurinn (utan trúfélaga) orðinn sá næst stærsti. Hann er auðvitað mun stærri því að svo fjölmargir trúlausir hafa ekki fyrir því að skrá sig úr þjóðkirkjunni.
Er trúuð en utan trúfélags 😉
Flott samantekt hjá þér. En ég er alveg bit að sjá þessar tölur um kaþólikka. Hvernig getur fólk bendlað sig við það batterí?
