Eins og það getur verið gaman og áhugavert að ferðast er alltaf jafn gott að koma aftur heim. Ferðalag mitt til Kanada var ágætt fyrir utan þá óskemmtilegu reynslu að þurfa að millilenda í Bandaríkjunum á leiðinni. Á leiðinni út var ég yfirheyrður fjórum sinnum af ókurteisum landamælavörðum sem komu fram við mig eins og ótýndan glæpamann. Það er eitthvað sorglegt við það að geta ekki ferðast til lands frelsisins án þess að lenda í yfirheyrslum og að teknar séu af manni myndir og fingraför! Það er gott að vera kominn heim.
Skoða 2 athugasemdirFela athugasemdir
Ævinlega velkomin heim, Sigurður! Vissulega bregður manni þegar Ameríkan er heimsótt, en þetta eru þeirra varúðarráðstafanir!
Sæll félagi. Þú ert ekki einn um að lenda í vandræðum í BNA. Bandaríkjastjórn hefur þurft að biðja Frakka afsökunar vegna þess að landamæravörður gekk of harkalega fram við komu fransks ráðherra til Bandaríkjanna.
