Þann 3. maí síðastliðinn var mikilvægt mannréttindaskref stigið þegar Siðmennt – félag siðrænna húmanista á Íslandi var lögformlega skráð sem fyrsta lífsskoðunarfélagið á Íslandi. Siðmennt er þannig fyrsta veraldlega félagið sem fær sambærileg réttindi og skyldur og trúfélög á Íslandi.
Þann 30. janúar 2013 samþykkti Alþingi Íslendinga að breyta lögum um skráð trúfélög í lög um skráð trúfélög og lífsskoðunarfélög. Siðmennt sótti í kjölfar um skráningu og hefur sú skráning nú verið staðfest.
Hægt er að skrá sig í Siðmennt með því að fara eftir leiðbeiningum sem finna má á vefsíðu félagsins.
Nánar:
- Skráðu þig í Siðmennt hjá Þjóðskrá! (sidmennt.is)
- Leiðbeiningar: Rafræn skráning í Siðmennt í gegnum vef Þjóðskrár (sidmennt.is)
