Samkvæmt öruggum heimildum er ég fulltrúi Satans hér á jörð. Þetta segir grunnskólakennari á Akureyri og einn helsti fulltrúi kristilegs kærleiks og siðferðis á Íslandi. Mér hlýnar um hjartarætur þegar ég er áminntur á það hversu jarðtengdir allir þeir einstaklingar eru sem fá að kenna íslenskum börnum í okkar ágæta menntakerfi.
“Eru þá þeir aðilar sem vilja fjarlægja Orð Guð úr grunnskólum og frá börnum okkar fulltrúar Siðmenntunar eða Satans-englar? Ég fæ ekki betur séð en að hér rætist í dag að Satan birtist enn í “ljósengils mynd”", segir Snorri (áður forstöðumaður í Betel) á vefsíðu sinni rétt eins og hann sé ekki alveg viss um að ég og aðrir sem starfa í Siðmennt séum á valdi djöfulsins.
Snorri getur í það minnsta verið ánægður með það að haturáróður hans er vænlega ríkisstyrktur og því getur hann haldið áfram að stunda öfugan haturboðskap á kostnað skattgreiðenda (trúfélögin sem hann hefur starfað fyrir fá öll fjármagn frá ríkinu). Er þetta ekki dásamlegt fyrirkomulag?
Við frá Siðmennt fáum enga ríkisstyrki, enda óþarfi þar sem styrkur okkar kemur víst frá djöflinum! Amen.
Sjá nánar:
Vefsíða Snorra Óskarssonar
Skoða 12 athugasemdirFela athugasemdir
Mikill er máttur þinn Satan! Annars hef ég aldrei séð svona ljósleitan satan. Þú hlýtur að vera því lúmskari fyrir vikið.
Ótrúlegt að heyra þetta tal Snorra á 21. öldinni. Um mig færi hrollur ef ég ætti barn í skólanum sem hann kennir á Akureyri.
Bestu kveðjur hið neðra
🙂Sæll Sigurður mig langar að spyrja þig hvort orð Jóhanns Björnssonar, stjórnarmanns
Siðmenntar sé lýsandi fyrir félagið í heild? Hann sagði eftirfarandi í Kastljósi Ríkissjónvarpsins
þann 14. Nóvember 2006: „Nú á ég börn í grunnskóla. Ég vil vera öruggur um það að börnin séu ekki í höndunum á fólki sem er annarrar lífsskoðunar heldur en ég.“ Mér fynnst gaman að heyra hvað þessi orð eru uppfull af umburðarlyndi og víðsýni. En gaman væri að sjá hvernig þessi orð falli að stefnuskrá Siðmenntar:
1. Félagið stendur vörð um rétt einstaklinga til að þroskast á ólíkum forsendum. Ég spyr er ekki erfitt að þroskast á ólíkum forsendum ef börnin umgangast aðeins annað fólk sem er eins skoðunar og foreldrar þeirra?
2. Siðmennt styður opið, víðsýnt og fjölþætt samfélag og telur að lýðræði sé besti kosturinn til að vernda mannréttindi bæði gagnvart einræðissinnuðum forréttindahópum og umburðarlitlum fjöldahreyfingum. Hvernig passar opið, víðsýnt og fjölþætt samfélag að orðum Jóhanns, bíddu jú kannski svo lengi sem þetta opna ,víðsýna og fjölþætta samféla falli að hugmyndum Jóhanns. Eða getur verið að stjórnarmaður Siðmenntar sé fallin í gröf umburðarlitla fjöldahreyfinga?
3. Siðmennt leitast við að tryggja réttlæti og sanngirni og útrýma umburðarleysi og ofsóknum. Útrýma umburðarkeysi, ég veit ekki einu sinni hvort það sé nauðsynlegt að sýna fram á fáránleika þessarar stefnu miðað við orð Jóhanns í gær. En gerum það samt, "Ég vil vera öruggur um það að börnin séu ekki í höndunum á fólki sem er annarrar lífsskoðunar heldur en ég". Þessi setning hljómar eins langt frá umburðarlyndi og sanngirni og hægt er.
4. Siðmennt leggur áherslu á umburðarlyndi, samúð og bjartsýni; lærdóm en ekki kreddur, staðreyndir en ekki fáfræði og skynsemi en ekki blinda trú eða afneitun rökréttrar hugsunar. Hvernig er hægt að stuðla að lærdómi ef þú umkringir þig og börnin þín af fólki sem eru með sömu lífsskoðanir og þú? Er það ekki gott fyrir börn landsins að kynnast fólki sem hefur ekki sömu skoðun og foreldrar sínir, eða verðum við að passa það að börnin okkar sjái aðeins endurspeglun foreldra sinna í öðrum?Jæja Sigurður ég hef allt virt skoðanir þínar og virt skoðanir Siðmenntar og talið mér trú um að meðlimir Siðmenntar væru umburðarlyndir, víðsýnir og opnir fyrir hugmyndum annarra. Viðbrögð Jóhanns í gær, sérstakelag eftir að hann virtist vera orðin aðeins pirraður, voru engan veginn opin, umburðarynd eða víðsýn.
Sæll Styrmir. Já ég er sammála því sem Jóhann meinti. En ég er auðvitað ekki sammála þeim skilningi sem þú leggur í orð hans.
Það sem Jóhann átti við þarna var einfaldlega að það væri ekki við hæfi að kennarar væru að boða lífsskoðanir SÍNAR í skólum. Enda segir Jóhann á heimasíðu sinni (http://blog.central.is/johannbj) um umfjöllun Staksteina á umræddri setningu:“Nú lætur staksteinahöfundur líta út eins og þetta hafi verið það eina sem ég sagði í tíu mínútna umræðum og tekur ekki mið af samhengi orðræðunnar. Staksteinahöfundur áttar sig greinilega ekki á því að í umræðunni var verið að ræða um það þegar boðun trúar og lífskoðana er í fyrirrúmi. Þegar slíkt á sér stað kæri ég mig ekki um að börnin mín séu í höndum sem hefur þann starfa að boða sína trú eða sína lífsskoðun.”
Allar spurningar þínar eru því byggðar á rangri túlkun á orðum Jóhanns í Kastljósi. Eflaust hefði hann getað orðað hugsun sína betur en þetta var sagt í flýti í kappræðum.
Ég myndi kjósa Satan og hans menn ef hann ákveði að fara á þing. Engin áform um slíkt?
Sæl María, ég þakka traustið en ég er ekki viss um að það sér mikil eftirspurn eftir mér. Í það minnsta hefur enginn “komið að máli við mig”, eins og þeir sem eru í framboði segja iðulega :). Hver veit hvað gerist í framtíðinni...
Mér fannst alltaf sem ég greindi horn, klaufar og hala.
Siggi hlustar sko líka á þungarokk... þessi kenning er því alltaf að verða líklegri og líklegri. Ég myndi samt velja mér valdameira hlutverk ef ég væri djöfulinn. Ekki viss um að maður nái að snúa heiminum á sína bylgjulengd með því að vera Siggi.
Úff, hrollur! Stærsti hrollurinn er þó að Snorri í Betel sé GRUNNSKÓLAKENNARI, sem sagt með viðkvæmar barnssálir undir höndunum! Ég er sko alveg sammála því að maður vill ekki neyðast til að hafa börnin sín undir handleiðslu fólks sem er otandi sínum öfgafullum (og stundum fordómafullum) skoðunum að fólki hvar sem það kemur. Hljómar kannski ó-umburðarlynt, en segjum sem svo að sonur minn sé hommi (sem getur bara vel verið, enginn veit), þá vil ég ekki að maður sem hatar homma sé kennarinn hans!
Ég held ekki að þú sért Satan, Siggi, þó ég sé ekki alltaf sammála öllu sem þú segir :D, en ég hef samt grun um að þú sért nær hinum vængnum. Þeir sem gefa sig út fyrir að vera háheilagir eru stundum fjær því en þeir halda ;)...
Hafið þið tekið eftir því að þetta er síðasta færsla Sigga? Nær mánuður liðinn án þess að hafi heyrst frá honum. Eru særingarmeistarar að verki á Akureyri?
Það er einfaldlega vegna þess að Satan fer í dulagerfi jólasveinsins í desember og hefur ekki tíma í annað. 🙂
Sæll Sigurður.
Svolítið langt síðan síðast var talað hér, næstum 2 mánuðir. En ég verð aðeins að leiðrétta misskilning sem alltaf er nóg pláss fyrir.
Þannig vill til að ég þekki til svona trúarhópa þó ég sé ekki í slíku sjálfur.
Þegar kristnir menn eins og Snorri tala um "satans engla" og "satan birtis í ljós engils mynd" eru þeir ekki að segja að þú eða nokkur manneskja sé sjálfur djöfullinn. Heldur að djöfullinn vinni sitt verk í gegn um mannskepnuna hversu fáranlega sem það virðist þér.
Þetta er náttúrulega bara þeirra trú, en svo sannarlega ert þú ekki Satan. lol
Ég sé ekki að það skipti máli hvort Snorri heldur því fram að ég sé Satan eða einungis á valdi skrattans. Báðar ásakanirnar eru kjánalegar og móðgandi. Kjánalegar vegna þess að kölski er ekki til og móðgandi því sá djöfull sem Snorri trúir á er uppspretta illsku heimsins, hvorki meira né minna.
