Fundurinn sem haldinn var í Iðnó í hádeginu um útlendingafrumvarpið var bæði áhugaverður og vel sóttur. Andri Óttarsson, lögfræðingur og penni hjá Deiglan.com; Tatjana Latinovic, varaformaður Félags kvenna af erlendum uppruna og Eyrún Ósk, nemi, fluttu stutt ávörp og gerði undirritaður tilraun til að stýra fundinum.
Gott hljóð var í gestum og augljóst að samstaðan gegn umræddu frumvarpi er mikil. Í lok fundar kvaddi Guðrún Ögmundsdóttir, þingmaður Samfylkingarinnar, sér hljóðs og sagðist vera alfarið á móti frumvarpinu í núverandi mynd og að henni þætti reyndar margt væri hægt að laga í núverandi lögum.
Lesendur eru áfram hvattir til að fá vini, vandamenn og kunningja til þess að kynna sér málið og skrifa undir mótmælin á www.deiglan.is/undirskrift.
Sjá nánar:
Ræða Andra Óttarssonar á fundi um útlendingafrumvarpið
Ræða Tatjana Latinovic á fundi um útlendingafrumvarpið
Skoða 2 athugasemdirFela athugasemdir
Var rétt of fljótur að setja skoðun á síðustu grein. 🙂 Takk fyrir að halda okkur upplýstum.
Sæll Rúnar,
Þú hefur kannski gaman af því að vita að Fréttablaðið birtir úrdrátt úr grein þinni í blaðinu í dag.:
Vonbrigði
Sjálfstæðismenn hafa oft valdið mér vonbrigðum. Það er sorglegt að flokkur sem stofnaður er út frá hugsjónum einstaklingsfrelsis skuli hýsa meðlimi sem svo oft falla í gryfju ráðlyndis og útþenslu ríkisvaldsins. Sitjandi kirkjumálaráðherra er einn slíkra vonbresta, og er nýjasta dæmið frumvarp hans, þingmál nr. 749 um breytingar á lögum um útlendinga nr. 96 frá 2002Rúnar Óli Bjarnason á Frjálshyggja.is
