Fyrir nokkrum klukkutímum loguðu netheimar af því að þáttastjórnandi í íþróttaþætti lét eftirfarandi ógætilegu orð falla í beinni útsendingu: „Íslenska landsliðið er eins og þýskir nasistar árið 1939 - að slátra Austurríkismönnum". Þáttastjórnandinn baðst afsökunar nokkrum mínútum síðar og virtist átta sig á því að svona ætti alls ekki að tala. Engu að síður eru margir enn ósáttir við að svona hafi opinber starfsmaður tjáð sig, jafnvel þó hann hafi gert það í hugsunarleysi. Margir hafa meira að segja krafist þess að viðkomandi starfsmaður verði rekinn. Ég er ekki einn af þeim. Allir geta gert mistök.
Enginn hefur þó, svo best sem ég veit, lagt til að opinberi starfsmaðurinn Örn Bárður Jónsson prestur í Neskirkju verði látin segja af sér. Samt er hann duglegur við að gera lítið úr fólki sem aðhyllist aðra lífsskoðun en hann sjálfur og bendla það jafnvel við fjöldamorð.
Örn Bárður (og sum starfssystkin hans) hefur reglulega og ítrekað bendlað hugmyndafræði trúleysingja og húmanista við ógnarstjórnir kommúnismans. Nú síðast í predikun á sunnudag. Presturinn tjáði sig með þessum hætti ekki óvart eða í hita leiksins, heldur af yfirveguðu ráði.
Fordómar prestsins er í fullkomnu samræmi við það sem hann hefur sagt áður. Til dæmis þegar hann fullyrti eftirfarandi í útvarpsviðtali um lífsskoðun okkar húmanista: „Aumasta trú sem til er, það er trúin á manninn.“
Hann hefur, svo best sem ég veit, aldrei beðist afsökunar á ummælum sínum.
Nú spyr ég. Hvernig má það vera að allt verður brjálað þegar opinberum starfsmanni hjá RÚV verður það á að líkja íslenska landsliðinu við nasista í hita leiksins en það virðist í góðu lagi þegar opinber starfsmaður Þjóðkirkjunnar bendlar hugmyndafræði húmanista og trúleysingja ítrekað við ógnarstjórnir. Þar á meðal við hrottaskap kommúnista undir stjórn Stalíns?
Örn Bárður hefur auðvitað fullan rétt á því að hafa fordóma og predika þá eins og honum sýnist. Það er þó fyrir löngu orðið óþolandi að hann sé á háum launum hjá hinu opinbera við þessa iðju sína.
___
„Nú er í tísku að sparka í þessa fyrirmynd. Þeim fjölgar sem sækja í eftirlíkingar af kirkjulegum athöfnum í nafni trúleysis eða heiðindóms. Þeim fjölgar sem vanvirða heitin sem unnin voru við skírnina þegar lífsvegurinn var markaður. Ísland veður ekki betra samfélag á heiðnum, guðlausum grunni. Tilraun um slíkt þjóðskipulag var reynd í tvígang á liðinni öld í Evrópu og líka í Asíu en með skelfilegum árangri.“
Skoða 10 athugasemdirFela athugasemdir
Háskóli Íslands, sem vill láta líta á sig sem virta vísindastofnun, er enn á 21. öldinni að mennta presta, hvernær ætla þeir að hafa bein í nefinu og segja sig frá þessu kukli. Hvernær ætla stjórnmálamenn að hysja upp um sig og losa okkur við þessa óværu af ríkisjötunni og hvernær ætla þeir að taka sig til og skattleggja þennan kukl-iðnað?
Örn Bárður "Trúin á manninn er ekki skynsamleg eins og dæmin sanna. Ég nefni í því sambandi tilraunina sem kennd er við Sovétríkin og Þýskalands nazismans. Þar var keyrt á þessari trú. Kannski voru það fordómar hjá mér að skella þessu fram með þessum hætti en það var nú gert í hita leiksins og í beinni útsendingu. Ef ég hefði haft meiri tíma hefði ég getað útskýrt hvað ég átti við. Ég biðst afsökunar á því að hafa ekki sett þetta fram með meiri rökum."
Ekki datt mér í hug að séra Örn Bárður væri svona vitlaus og fordómafullur.En hann kann að rukka fyrir þjónustu.
Það er ótrúlegt að nokkur þjóð á 21. öld beiti ríkisvaldinu til að innræta hindurvitni meðal barna. Það er óhugnanlegt að 300 af fegurstu og dýrasti byggingum landins séu notaðar til slíks og auk þess 150 halaunaðir ríkisprestar. Mér finnst mig vera að dreyma. Hin áður mikla trúþjóð Frakkar aðskildu ríki og kirkju fyrir Meira en öld. Skoðanir sem þær sem Örn prestur setur fram minna mig á myrkarnmiðaldir og eg vil af kurteisisástæðum ekki nota þau orð sem koma upp í hugann.
Álit mitt á prestum hefur lengi verið lítið en minkar þó stöðug og er nú við absolut núll. Ég dauð skammast mín fyrir að tilheyra þjóð þar sem slík hegðun er ekki bara leyfð heldur launuð og stundum virt og hampað af ríkisvaldinu. Hrollvekja.
Þvílíkur andskotans viðbjóður sem þessi andstyggilegi maður er.
Til skammar
Outrageous that this guy is allowed to get away with preaching prejudice and discrimination.
Það skemmtilega í þessu er að hér er klerkurinn að fárvirðast yfir því að þeim fjölgi sem "sækja í eftirlíkingar af kirkjulegum athöfnum í nafni trúleysis eða heiðindóms". Staðreyndin er nefnilega sú að flestar siðvenjur og sakramenti kristinnar kirkju eiga sér rætur í heiðnum trúarbrögðum. Jólin t.d. eiga uppruna sinn í sólstöðuhátíðum heiðinna trúarbragða. Það var kirkjuþingið í Nikeru 324 e.kr. sem ákvað að færa fæðingardag Jesus til 25.des. til að keppa við og gera þessar hátíðir "kristnar". Sama má segja um fermingu. Hún á rætur í manndómsvígslum fjölda heiðinna trúarbragða þar sem mörkuð voru skilin á milli barnæsku og fullorðins ára. Altarisgangan á svo rætur í grísku launhelgunum, sérstaklega við dýrkun Dionysusar en þar drukku Bakkinjurnar blóð frónardýrsins sem trúað var að hefði tekið sér aðsetur í fórnardýrinu.
Svo held ég nú að það hafi verið aðrir þættir sem felldu þjóðskipulag kommúnismans en það að þeir gerðu kirkjur að kartöflugeymslum.Sammála þessu.
