Laun presta, prófasta, vígslubiskupa og biskupsembættisins eru greidd af ríkinu vegna þess að kirkjan afhenti ríkinu kirkjujarðir samkvæmt samningi árið 1997. Mikið hefur verið deilt um hvaða jarðir þetta voru og hvert raunverulegt verðmæti þeirra er. Svavar Kjarrval sendi fjármálaráðuneytinu nokkrar fyrirspurnir um þær jarðir og kirkjueignir sem íslenska ríkið tók yfir af Þjóðkirkjunni. Svör ráðuneytisins hljóta að teljast merkileg meðal annars þar sem að:
- ráðuneytið finnur ekki lista í málaskrá yfir „ þær jarðir og kirkjueignir sem íslenska ríkið fékk við samning sinn við Þjóðkirkjuna sem undirritaður var 10. janúar 1997.“
- ráðuneytið veit ekki hvert verðmæti jarðanna er.
- ráðuneytið finnur ekki eða á ekki til afsöl yfir þær jarðir sem ríkið tók yfir.
- hið opinbera virðist ekki hafa vitað hvaða jarðir það var að „kaupa“ af kirkjunni né hversu mikils virði þær voru þegar samningurinn var gerður.
Það sem gerir þennan kirkjujarðasamning merkilegan (fyrir utan það að ekki er til listi yfir jarðirnar, verðmæti þeirra er óljóst og ekki eru til afsöl) er að hann tryggir launagreiðslur til starfsmanna Þjóðkirkjunnar um ókomin ár. Ekki ósvipað því og ég myndi selja Reykjavíkurborg bílinn minn, ekki fyrir fasta upphæð, heldur fyrir greiðslur til mín og afkomenda minna um ókomna tíð. Ansi góður díll.
Í ljósi þess um er að ræða milljarða af peningum skattgreiðenda á hverju ári hlýtur að vera eðlilegt að krefjast þess að hið opinbera birti afsöl og lista yfir keyptar kirkjujarðir auk þess sem það sýni útreikninga á verðmæti jarðanna.
Sjá nánar:
- Upplýsingabeiðni um kirkjueignir – Svavar Kjarrval
- Fjármál Þjóðkirkjunnar – Vefur Þjóðkirkjunnar
- Ójafnræði á Íslandi í meðferð ríkisins gagnvart trúfélögum og lífsskoðunarfélögum – Vefur Siðmenntar
Skoða 2 athugasemdirFela athugasemdir
Fnykinn leggur af samskiptum sjálfstæðisflokks og ríkiskirkju.
Reykjavík 3. október 2013.
Háttvirta innanríkisráðuneyti.
Með vísan til upplýsingalaga, nr. 140 28. desember 2012, einkum II. kafla, óska ég undirritaður hér með eftir afriti af eða eftir atvikum aðgangi að, því samkomulagi sem að sögn var gert 1907, sbr. Lög nr. 46/1907 um laun sóknarpresta og lög nr. 50/1907, og allra fylgigagna téðs samnings, einkum skráningu á þeim jörðum og fasteignum sem fylgdu nefndu samkomulagi.
Nánar tiltekið er átt við samning þann sem gerður var 1907 og vísað er til í greinargerð með frumvarpi til laga um Þjóðkirkjuna sem gildi tók 1997, en í greinargerðinni segir að um sé að ræða “samkomulag um eignaafhendingu og skuldbindingu” og töldust login 1997 vera fullnaðaruppgjör vegan þessa þá 90 ára gamla samnings, sem fól þá í sér að ríkið varð “formlegur eigandi allra kirkjujarða, að frátöldum prestssetrum”.
Sé samningur þessi frá 1907, og fylgigögn hans, ekki í fórum ráðuneytisins er minnt á leiðbeiningarskyldu og óskað eftir því að beiðni þessari ver…
