Í gær mætti ég í Harmageddon og fjallaði um ójöfnuð og brauðmolakenninguna sem ég staðhæfi að sé stórhættulegt rugl:
Misskipting hefur aukist mikið undanfarin þrjátíu ár í löndum OECD. Ójöfnuður í heiminum öllum er fáránlega mikill. Það er átakanleg staðreynd að nokkrir tugir ofurríkra einstaklinga eiga álíka mikinn auð og fátækasti helmingur alls mannkyns. Þessi misskipting felur í sér mikla sóun og óþarfa eymd.
Almenningur og margir þjóðarleiðtogar eru smá saman að átta sig á því að vaxandi misskipting er eitt alvarlegasta vandamál samtímans. Ójöfnuður dregur úr lífsgæðum, hamingju og dregur meira segja úr hagvexti.
Fjöllum um ójöfnuð og hvað er hægt að gera til að draga úr honum. Það reyni ég að gera í þessu stutta viðtali.
