Það er í meira lagi undarlegt að ríkisvaldið sjái um að innheimta félagsgjöld fyrir sum lífsskoðunarfélög en ekki önnur. Persónulega tel ég að ríkið eigi ekki að skipta sér að trúmálum nema með því að tryggja rétt allra til tjáningarfrelsis og til að iðka sína trú. En þar sem ríkið vill skipta sér af (og gríðarlega öflug hagsmunasamtök vilja hafa það þannig áfram) þá verður hið opinbera að styðja alla jafnt. Þar með talin veraldleg lífsskoðunarfélög eins og Siðmennt. Svo eiga þeir sem vilja ekki tilheyra neinu lífsskoðunarfélagi auðvitað ekki að borga neitt. Hvort sem það er beint eða í gegnum skattkerfið.
Fjallað er um málið á vef Morgunblaðsins í dag.
