Stundum held ég að þingmenn og ráðherrar Framsóknarflokksins séu í einhverri innbyrðis keppni um að fara í taugarnar á almenningi í landinu. Hrokinn í tilsvörum þeirra er það algengur að ekki er hægt að gera þeim upp að vera einfaldlega svona lélegir í mannlegum samskiptum. Framsóknarþingmennirnir hljóta að svara svona af ráðnum hug.
Óljóst er hver er að vinna þessa ömurlegu hrokakeppni en fjórir þingmenn berjast nú um forystusætið. Vigdís Hauks, Sigmundur Davíð, Gunnar Bragi og Sigurður Ingi. Erfitt er að sjá hver þeirra stendur sig best í því að tala niður til almennings.
Eitthvað virðist Gunnar Bragi Sveinsson, utanríkisráðherra, hafa óttast um stöðu sína í hrokakeppninni og ákvað því að lýsa því yfir í gær að ekki kæmi til greina af hans hálfu að kjósa um áframhaldandi viðræður við ESB.
Augljóst er að Gunnar Bragi lætur þessi orð falla einungis til að stuða alla sem eru ekki fullkomlega sammála honum. Virkilega sterkur leikur. Hvort nýjasta útspil hans kemur honum á toppinn í hrokakeppninni er óljóst enda verða stigin ekki tekin saman fyrr en um mánaðamót. En keppnin er hörð og er ég aðallega forvitinn um hvað sé í verðlaun. Mig grunar að það sé fylgishrun en Framsóknarmenn vita eflaust betur.
p.s.
Hættum þessari vitleysu og klárum dæmið!
Vinsamlegast skrifið undir þessa áskorun: http://www.petitions24.com/klarum_daemid
Sjá einnig:
Skoða 2 athugasemdirFela athugasemdir
Nákvæmlega!
Er hann ekki bara að standa við þau orð sem hann lét falla fyrir kosningar? Mér finnst þetta nú skárra en t.d. stjórnmálamenn sem segjast vera á móti inngöngu Íslands í ESB en sækja um svo um inngöngu samt þegar búið er að kjósa þá! Má ég þá heldur biðja um menn sem standa við orð sín.
