Skoðun » Tónlist

Steelheart á Íslandi – 8. júní 2011

Sigurður Hólm Gunnarsson — Sun, 01 May 2011 13:26:33 +0000

Miðasala hafin á midi.is og er miðaverð litlar 3.500 kr. Nánari upplýsingar á Facebook.

Steelheart, ein skemmtilegasta hár-metal hljómsveit sem til hefur verið, mun halda tónleika á NASA 8. júní næstkomandi. Þrjár frábærar íslenskar sveitir hafa verið valdar til að hita upp: Dúndurfréttir, Exizt og Atrum. Ég viðurkenni að ég er spenntur enda hef ég verið aðdáandi síðan Steelheart gaf út sína fyrstu plötu 1990.

Sú plata hét einfaldlega Steelheart og sló rækilega í gegn. Það kannast flestir við lög eins og: She‘s Gone, Can’t Stop Me Lovin’ You og I‘ll Never Let You Go (Angel Eyes).

Árið 1992 gaf bandið út plötuna Tangled in Reins sem einnig naut töluverðra vinsælda þó hún hafi aldrei orðið nálægt því eins vinsæl og fyrsta platan. Ástæðan var fyrst og fremst sú að á þeim tíma fór að halla almennt undan fæti hjá hard rokk og hár-metal böndum. Grunge tímabilið var hafið með þeim afleiðingum að sala á hárfroðu, hárlakki og maskara féll svo mikið að ég hygg að einhver snyrtivörufyrirtækin hafi farið á hausinn. En hvað um það? Tangled in Reins er virkilega góð rokkplata sem ég mæli með.

Nokkur góð lög af Tangled in Reins: Sticky Side Up, Electric Love Child, All Your Love, Mama Don’t You Cry.

Wait kom út 1996 og er í rólegri kantinum. Ég var ekkert allt of hrifinn af Wait í fyrstu en síðan hef ég skipt um skoðun. Ekki beint gamla Steelheart en inn á milli leynast ansi góð lög: We All Die Young (Úr kvikmyndinni Rock Star)*, Wait, Virgin Soul, Shangrila (Live).

Síðast gaf sveitin út Good 2B Alive árið 2008. Nokkur öflug lög þar og almennt fín plata þó ég viðurkenni að „gömlu“ lögin heilli mig meira, enda nota ég enn hárfroðu…

Lög af Good 2B Alive: LOL, Good 2B Alive, Samurai, Shine A Light For Me, You Show Me How To Love.

*Þeir sem eru það ungir að þeir muna ekki eftir Steelheart muna þá kannski eftir kvikmyndinni Rock Star (2001) þar sem Mark Wahlberg lék söngvara í hljómsveitinni „Steel Dragon“. Ekki vita þó allir að Michael Matijevic söng þar fyrir Wahlberg. Meðal annars í laginu „We All Die Young“ sem varð ansi vinsælt (lagið er jafnframt á Wait).

Hér fyrir neðan eru svo nokkur myndbönd með Steelheart. Takið eftir hvað Michael (Miljenko) Matijevic, söngvari Steelheart, er með magnaða rödd:

She‘s Gone

Can’t Stop Me Lovin’ You

I‘ll Never Let You Go (Angel Eyes)

Sticky Side Up

Electric Love Child

All Your Love

Mama Don’t You Cry

We All Die Young (Úr kvikmyndinni Rock Star)

Wait

Virgin Soul

Shangrila (Live)

LOL

Good 2B Alive

Samurai

Shine A Light For Me

You Show Me How To Love

The Dirt – Sagan af Mötley Crue

Sigurður Hólm Gunnarsson — Sun, 31 Jan 2010 19:06:38 +0000

„Motley Crue: The Dirt – Confessions of the World’s Most Notorious Rock Band“ er einstaklega áhugaverð bók og listilega vel skrifuð. Eins og titillinn gefur til kynna fjallar hún um sögu glysrokkbandsins Mötley Crue. Ég var nú aldrei mikill aðdáandi Mötley en hafði þó mjög gaman að plötu þeirra Dr. Feelgood, sem var söluhæsta plata þeirra.

Lífsreynslusögurnar í þessari bók eru óborganlegar og er ég viss um að flestir hefðu gaman að því að lesa þær, algerlega óháð því hvort lesendur hafi verið aðdáendur eða hlusti á rokk yfirleitt. Hver hefur ekki gaman af sögum um fyllerí, dóp, „dömur“ og aðra vitleysu? (Dæmi: Ozzy Osbourne stelur kjól af gamalli konu og sigrar ógeðslegu-keppni með því að lepja upp eigið hland).

Það sem kemur þó mest óvart í umræddri bók er hvernig fjallað er um mannlega þáttinn. Þessir, einu sinni, heimsfrægu rokkarar sem áttu og gátu allt voru þegar upp er staðið lítið annað ein einmanna nördar sem þráðu heitast að eignast heilbrigða fjölskyldu, konu og börn.

Stórgóð bók sem fær mann til að hlægja, skammast sín fyrir hönd annarra og á tímum fella tár.

Zero Hour – Spec of Pictures Burnt Beyond

Sigurður Hólm Gunnarsson — Wed, 16 Dec 2009 18:01:04 +0000

Spec of Pictures Burnt Beyond (2006) með hljómsveitinni Zero Hour er án efa ein besta progressive metal plata sem gefin hefur verið út. Hreint ótrúlegir tónlistarmenn hér á ferð og söngvarinn frábær. Vísa hér á tvö mögnuð lög.

Annars vegar mjög fallega ballöðu, I Am Here, og hins vegar Face the Fear sem er upphafslag plötunnar. Njótið!

I Am Here

http://www.youtube.com/watch?v=v__-Jil1VHQ

Face the Fear

http://www.youtube.com/watch?v=C-HFM7_ZKgg

Europe snýr aftur

Sigurður Hólm Gunnarsson — Fri, 11 Dec 2009 16:44:00 +0000

Ég veit að það er bannað að viðurkenna það en sænsk/norska rokksveitin Europe hefur alltaf verið í miklu uppáhaldi hjá mér. Ég varð aðdáandi á gullaldarárum þeirra í kringum 1986 þegar hin magnaða plata „The Final Countdown“ kom út og hef í raun verið aðdáandi allar götur síðan. Flestir þekkja Europe af ofursmellunum „The Final Countdown“ og „Carrie“, sem eru reyndar langt frá því að vera þeirra bestu lög.

Færri vita að Europe eru enn að spila og gefa út efni. Nýjasta „platan“ þeirra, „Last Look at Eden“, kom út fyrr á þessu ári og er ótrúlega góð. Ég á til með að vísa hér þau lög sem heilla mig hvað mest.

Last Look at Eden – Titillag nýju plötunnar. Hressandi slagari sem minnir á gamla tíma.

http://www.youtube.com/watch?v=y48PTClxPVw

New Love in Town – Falleg ballaða sem gefur Carrie ekkert eftir

http://www.youtube.com/watch?v=Gbfu5t_iop0

In my Time – Besta lag nýju plötunnar að mínu mati. Róleg og einstaklega falleg rokkballaða.

http://www.youtube.com/watch?v=ucQZTHNdxtQ

Europe – 1986:

Europe árið 1986 - Glysrokkað útlit

Europe – 2009

Europe 2009 - Varaliturinn horfinn og búið að henda krullujárninu.

Anathema – Hindsight

Sigurður Hólm Gunnarsson — Sun, 13 Sep 2009 21:24:35 +0000

Það er fátt sem hefur eins mikil áhrif á mig og tónlist. Breska hljómsveitin Anathema hefur lengi verið í uppáhaldi hjá mér. Í fyrra gáfu þeir út plötuna Hindsight þar sem öll bestu rólegu lögin þeirra eru sett í nýjan búning. Um er að ræða tæpan klukkutíma af gæsahúð. Ótrúlega falleg lög og frábærir textar.

Hér má hlusta á plötuna í heild sinni:

httpvp://www.youtube.com/view_play_list?p=65BB1F5F46F2FA4F&search_query=anathema+hindsight

Warrel Dane – Praises to the War Machine

Sigurður Hólm Gunnarsson — Sun, 22 Jun 2008 10:39:09 +0000

Einn af mínum uppáhalds söngvurum er án nokkurs vafa Warrel Dane, söngvari Nevermore og þar áður söngvari Sanctuary. Að sama skapi eru böndin sem hann hefur „frontað“ að mínu mati með frambærilegustu metal böndum sem til hafa verið. Nú hefur Warrel Dane gefið út sína fyrstu sólóplötu sem ég hvet alla rokk og metal aðdáendur til að kynna sér. Platan ber heitið – Praises to the War Machine og er hún með því allra besta sem Warrel Dane hefur gefið út. Röddin hans er enn mögnuð og textarnir djúpir og vel skrifaðir (eitthvað sem er alltof sjaldgæft þegar kemur að metal textum).

Sjá nánar (YouTube):
Warrel Dane fjallar um Praises to the War Machine – 1. hluti.
Warrel Dane fjallar um Praises to the War Machine – 1. hluti.

Lög af „Praises to the War Machine“ á YouTube

1 – „When We Pray“ – 3:38
2 – „Messenger“ (featuring Jeff Loomis) – 3:58
3 – „Obey“ – 3:14
4 – „Lucretia My Reflection“ (The Sisters of Mercy cover) – 4:38
5 – „Let You Down“ – 3:53
6 – „August“ – 3:48
7 – „Your Chosen Misery“ 4:09
8 – „The Day the Rats Went to War“ (featuring James Murphy) – 3:37
9 – „Brother“ – 3:23
10 – „Patterns“ (Paul Simon cover) – 4:00
11 – „This Old Man“ – 3:43
12 – „Equilibrium“ – 3:52

Þursaflokkurinn – gæða prog rokk

Sigurður Hólm Gunnarsson — Sat, 12 Apr 2008 10:05:50 +0000

Fór á vægast sagt stórkostlega tónleika í gær með Þursaflokknum en tónleikarnir voru haldnir á Græna Hattinum hér á Akureyri. Fyrir tónleikana hafði ég lítið hlustað á Þursana, aðeins heyrt eitt og eitt lag í útvarpinu. Það kom mér því á óvart hversu þrusugott band þetta er. Þursarnir spila gæða progressive rokk sem um margt minnir á Dream Theater. Ef ég vissi ekki betur myndi ég halda að Dream Theater væru undir áhrifum Þursanna.

Mæli eindregið með Þursatónleikum fyrir þá sem hafa gaman af progressive rokki.

Sebastian Bach – Angel Down

Sigurður Hólm Gunnarsson — Thu, 03 Apr 2008 08:56:50 +0000

Angel Down – Sebastian Bach

Sebastian Bach, fyrrum söngvari Skid Row, á merkisafmæli í dag. Kallinn er orðinn fertugur. Það er því ekki úr vegi að benda rokkaðdáendum á nýútgefna sólóplötu hans Angel Down. Er búinn að hlusta á hana nokkrum sinnum og er mjög ánægður. Það má segja að Angel Down sé beint framhald af síðasta meistaraverki Skid Row, Slave to the Grind. Sebastian Bach sýnir að þrátt fyrir hækkandi aldur er hann ennþá sætasti snúðurinn í bakaríinu og frábær söngvari.

Aðdáendur Axl Rose (Guns N’ Roses) ættu að líka að kíkja á Angel Down því þar syngur Rose með Bach í þrem lögum. Hér er um að ræða gæða hard rokk í anda gamla Skid Row, ekkert bölvað nýrokk eða grunge.

Angel Down:

(Love is) A Bitchslap:

Angel Down
1. „Angel Down“ (Adam Albright, Sebastian Bach) – 3:48
2. „You Don’t Understand“ (Bach, Roy Z) – 3:06
3. „Back in the Saddle“ (Joe Perry, Steven Tyler) – 4:19
4. „(Love Is) A Bitchslap“ (Bach, Z) – 3:08
5. „Stuck Inside“ (Johnny Chromatic, Axl Rose) – 2:57
6. „American Metalhead“ (Mike Chlasciak) – 4:02
7. „Negative Light“ (Bach, Chlasciak, Steve Digiorgio) – 4:33
8. „Live and Die“ (Chlasciak, Tim Clayborne) – 3:53
9. „By Your Side“ (Bach, Z) – 5:27
10. „Our Love Is a Lie“ (Bach, Chlasciak, Z) – 3:20
11. „Take You Down with Me“ (Bach, DiGiorgio) – 4:37
12. „Stabbin’ Daggers“ (Bach, Chromatic, Bobby Jarzombek) – 3:41
13. „You Bring Me Down“ (Ralph Santolla) – 3:16
14. „Falling into You“ (Bach, Desmond Child) – 4:21

Eiríkur Hauksson, Ken Hensley og Dúndurfréttir

Sigurður Hólm Gunnarsson — Thu, 27 Mar 2008 10:04:26 +0000

Þá er maður búinn að panta miða á tónleika Eika Hauks, Ken Hensley og Dúndurfrétta í Austurbær 30. apríl. Það verða margir úr minni fjölskyldu á tónleikunum. Þar á meðal Pálína, bræður hennar, Halli bróðir minn og Pabbi okkar. Þetta verður því eins og fermingarveisla, nema bara skemmtilegt.

Eiríkur Hauksson er í miklu uppáhaldi hjá mér og sama má segja um Dúndurfréttir. Hef farið nokkrum sinnum á tónleika með bæði Eika og Dúndurfréttum og alltaf skemmt mér konunglega (Nema reyndar þegar Eiríkur hélt tónleika í spinningsalnum í Veggsporti þar sem hann söng og við hin hjóluðum við dúndrandi Deep Purple lög. Það var meira svona vont-gott …).

Eiríkur Hauks er bestur þegar hann er í metalinu og er ég þannig enn mikil aðdáandi ARTCH – gamla þungarokksbandinu hans. Fyrir þá sem ekki vita gaf ARTCH út tvo brilliant metaldiska: Another Return (1988) og For The Sake Of Mankind (1991).

Dúndurfréttir eru vægast sagt frábært band. Hef nokkrum sinnum hlustað á þá flytja lög eftir Pink Floyd, Led Zeppelin, Deep Purple og fleiri óaðfinnanlega. Að sumu leiti er ég spenntari fyrir því að hlusta á íslensku kappana en Hensley sem ég hef lítið fylgst með nema í gegnum Uria Heep (sem áttu mörg mjög góð lög).

Hljómsveitin Hraun er frábær

Sigurður Hólm Gunnarsson — Sat, 14 Jul 2007 13:51:02 +0000

Ég og kærastan mín fórum á tónleika með hljómsveitinni Hraun í gærkvöldi. Tónleikarnir voru haldnir á Græna Hattinum (á Akureyri fyrir ykkur borgarbörnin). Af einhverjum ástæðum hafði ég aldrei heyrt um þetta band áður, en ég er sannfærður um að ég eigi eftir að heyra meira frá því í framtíðinni. Þessir tónleikar voru vægast sagt stórkostlegir. Svavar Knútur, söngvari sveitarinnar, söng eins og engill og tónlistinn í senn falleg, melankólísk og hressandi. Þó tónlistin hafi verið hádramatísk og tilfinningaþrungin á köflum (ég fékk tár í augun og gæsahúð) var stutt í hláturinn enda hljómsveitarmeðlimir afar fyndnir og skemmtilegir. Ég hvet alla til að kynna sér Hraun og nýja diskinn þeirra „I can’t believe it’s not happiness“

Sjá nánar:
Vefsíða Hrauns