Eru Múrverjar frjálshyggjumenn?

Múrverjar voru fljótir að bregðast við pistli mínum um ríkisfjölmiðla sem birtist hér á Skoðun á fimmtudaginn. Kolbeinn Óttarsson Proppé hefur ýmislegt að athuga við þá skoðun mína að það sé ekki hlutverk ríkisvaldsins að sjá almenningi fyrir afþreyingu en lætur þó vera að rökstyðja málstað sinn með málefnalegum rökum. Í stað þess að ræða málið af yfirvegun og út frá hugmyndafræði grípur Kolbeinn til uppnefninga. Þannig hefur hann grein sína á því að kalla mig frjálshyggjumann og gefur í skyn að þess vegna þurfi varla að taka mark á mér. Ég er hins vegar ekki frjálshyggjumaður ekki frekar en Kolbeinn er kommúnisti. Uppnefni sýna ekki fram á neitt, nema í besta falli málefnafátækt. Skoðum grein Kolbeins aðeins betur.

(meira…)

Gengisfelling stjórnmálanna

Hvers vegna tekur fólk þátt í pólitísku starfi? Líklegast eru ástæðurnar margar. Þegar ég tók virkan þátt í starfsemi Ungra jafnaðarmanna gerði ég það vegna þess að ég hef skoðun á því hvernig samfélagi ég bý í og tel mig hafa ýmislegt til málanna að leggja. Barátta fyrir því að halda einhverjum gaur í íslenska landsliðinu í fótbolta eða fyrir því að veita Eurovisionpoppurum fálkaorðu er ekki pólitík, heldur gengisfelling á stjórnmálum og þeim sem starfa á pólitískum vettvangi.

(meira…)

Frjálshyggjumenn hættir í kommúnistaflokknum

Í desember árið 2000 skrifaði ég umdeilda grein þar sem ég benti á að flestir frjálshyggjumenn þessa lands væru flestir, samkvæmt eigin skilgreiningu, í kommúnistaflokki. Enn fremur benti ég á að sumir þeirra ættu betur heima í flokki frjálslyndra jafnaðarmanna en í Sjálfstæðisflokknum en aðrir ættu að stofna eigin flokk frjálshyggjumanna. Það hefur nú gerst.

(meira…)

Hugsjónum fórnað á altari flokkshollustu

Það kom fram í fréttum í gær að Vilhjálmur Egilsson, þingmaður Sjálfstæðisflokksins og formaður efnahags- og viðskiptanefndar, væri megindráttum sammála þeirri gagnrýni sem fram hefur komið vegna væntanlegrar ríkisábyrgðar á lánum til Decode. Samt ætlar hann að fylgja flokkslínunni og greiða atkvæði sitt með þessu vafasama happadrætti á kostnað skattgreiðenda! Þetta er með ólíkindum. Samkvæmt 48. grein stjórnarskrá Íslands eru ,,Alþingismenn eru eingöngu bundnir við sannfæringu sína…“ Vilhjálmur hefur hér hins vegar gerst sekur um að fara gegn sannfæringu sinni og svíkur þannig kjósendur sína, sem treysta því að þeir sem kosnir eru á þing séu sjálfstæðir einstaklingar sem berjast fyrir því sem þeir trúa á en hegði sér ekki eins og sauðfé.

(meira…)

Frelsarinn skrifar grein fyrir Skoðun

Í dag birtist áhugaverður pistill á Frelsi.is ,,Foreldrar, börn og samskipti þeirra“. Pistillinn er byggður á persónulegum bréfaskrifum sem Frelsarinn (JHH) átti við ónefndan mann um hvort leyfa eigi foreldrum að kaupa áfengi fyrir börnin sín. Svo skemmtilega vill til að ég, undirritaður, er þessi ónefndi maður. Það sem meira er þá fannst mér ég hafa, nokkuð augljóslega, unnið þessa ritdeilu. Ég fagna því ákaflega ákvörðun Frelsarans að birta athugasemdir mínar opinberlega á Frelsi, þó þær hafi verið ritaðar í perónulegu bréfi og ekki ætlaðar til birtingar. Bréf mitt var skrifað á u.þ.b. 5. mínútum og því leyfi ég mér að gera nokkrar athugasemdir við þennan pistil hér á Skoðun. Ég vona að Frelsaranum sé ekki á móti skapi að ég birti samtal okkar opinberlega.

(meira…)

Aumkunarverðasti skósveinn íhaldsins

Hannes Hólmsteinn Gissurarson er augljóslega bráðskýr og efnilegur maður. Því geta fáir mótmælt. En hann er jafnframt einn sá aumkunarverðasti skósveinn sem íhaldið hefur eignast. Af hverju segi ég þetta? Jú því það er álíka erfitt að finna mótsagnir í málflutningi hans og það er að finna sandkorn á sólbaðsströnd.

(meira…)

Er Heimdallur sértrúarsöfnuður?

Hvað eiga þeir sem trúa á sköpunarsögu Biblíunnar, nýnasistar (þeir sem telja að helförin hafi aldrei átt sér stað), nýaldarsinnar og Ayn Rand, andlegur leiðtogi og uppspretta visku frjálshyggjumanna, sameiginlegt? Jú, þetta fólk er allt afhjúpað í bókinni Why People Believe Weird Things eftir hinn þekkta fríþenkjara Michael Shermer.

(meira…)

Frjálshyggjumenn í kommúnistaflokki

Í síðustu viku birtist grein á Frelsi.is, heimasíðu Félags ungra sjálfstæðismanna í Reykjavík, þar sem frelsari nokkur lýsti andstyggð sinni á kommúnista- og jafnaðarmannaflokkum vegna þeirrar forsjárhyggju sem frelsarinn telur einkenna slíka flokka. Eftir að frelsarinn hafði útlistað nánar hvers konar afskipti forsjárhyggju kommúnistaflokkar aðhyllast var aðeins eitt sem ég skildi ekki: Hvers vegna í ósköpunum er frelsarinn þá starfandi í ungliðahreyfingu kommúnistaflokks?

(meira…)

Ekkert fleira að sjá

Game Over

Loka