Lögleiðing líknardráps er mannúðarmál

Tekið var viðtal við Matthías Halldórsson, aðstoðarlandlækni, í fréttum Stöðvar 2 í gær þar sem hann lýsti því yfir að það væri fráleitt að leyfa líknardráp hér á landi. Ástæðurnar sem hann nefndi voru tvær. Fyrri ástæðan sem hann nefndi var “siðferðisleg” og gaf hann þannig í skyn að líknardráp væri í eðli sínu siðlaus verknaður. Þetta er rangt eins og ég vil rökstyðja stuttlega í þessari grein. Seinni ástæðan sem Matthías nefndi (og kannski tengd “siðferðis”ástæðunni) var að “læknar á Íslandi vilja ekki leika Guð almáttugan og ákveða dauðastundina”. Þessi orð frá aðstoðarlandlækni komu mér á óvart í ljósi þess að læknar vinna við það alla daga að hafa áhrif á dauðstund sjúklinga sinna.

(meira…)

Um rasisma og ofbeldishótanir

Rasistinn Ásgeir Hannes Eiríksson segist hafa fengið hótunarbréf frá “útlendingi” sent til sín vegna skoðana sinna. Ljótt ef satt er. Menn eiga aldrei að þurfa að líða hótanir vegna skoðana sinna, sama hversu gagnrýnisverðar skoðanir þeirra annars eru. Ásgeir sagði í DV í gær að lögreglan hefði brugðist skjótt við og “haft hendur í hári Ganaverjans”. Það er að vissu leyti ánægjulegt að lögreglan skuli nú bregðast við hótunum. Þegar ég reyndi fyrir nokkrum árum að leggja fram kæru gegn íslenskum rasista sem hringdi heim til mín og hótaði mér öllu illu þá ráðlagði lögreglan mér sérstaklega að kæra ekki!* Ég ætti ekki að taka slíka hótun alvarlega. Þegar ég óskaði eftir því að koma mín á lögreglustöðina yrði þá bókuð var mér sagt að slíkt gerði lögreglan ekki. Kannski hefur litarháttur þess sem hefur í hótunum áhrif á aðgerðir lögreglu?

(meira…)

Umsóknir um stöðu hæstaréttardómara óskast

Dómsmálaráðuneytið – fréttatilkynning
Staða hæstaréttardómara losnar frá og með 15. október næstkomandi. Af þessum sökum óskar dómsmálaráðuneytið eftir umsóknum frá áhugasömum lögmönnum.

Menntun og hæfniskröfur:
1. Umsækjendur þurfa að hafa lokið lögmannsprófi.
2. Umsækjendur þurfa að teljast hæfir samkvæmt áliti hæstaréttar.
3. Til að tryggja breidd í röðum hæstaréttadómara óskar dómsmálaráðherra sérstaklega eftir lögmönnum sem hafa víðtæka reynslu af lögmannsstörfum og málflutningi.

Allir þeir sem telja sig uppfylla þessar kröfur eru hvattir til að sækja um.

—–

(meira…)

Ofsóknaróður löggjafi?

Sú krafa Davíðs Oddssonar forsætissáðherra, og annarra sjálfstæðismanna, að sett verði íþyngjandi lög um fjölmiðla ber sterkan keim af ofsóknaræði. Frjálshyggjusinnaðir sjálfstæðismenn sem oftast eru á móti öllum samkeppnislögum virðast nú hlynntir lögum um fjölmiðla og íhaldssamir flokksbræður þeirra, sem hafa alltaf hatast út í þá hugmynd að opna bókhald stjórnmálaflokkana krefjast þess nú að eignarhald á fjölmiðlum verði gert opinbert. Menn sem ekki kvika frá sínum hugsjónum?

(meira…)

Refsingar, erfðasyndin, trúfrelsið og menningin

Áhugaverðar og um leið skemmtilegar umræður spunnust milli þáttastjórnenda og Björns Bjarnasonar, dóms- og kirkjumálaráðherra, í þættinum Nei ráðherra á Útvarpi sögu síðastliðinn föstudag. Björn viðurkenndi meðal annars að hafa stutt hærri refsingar við fíkniefnabrotum þrátt fyrir að rannsóknir bendi til þess að slík hækkun dragi ekki úr glæpum, hann sagði glæpi vera afleiðingu erfðasyndarinnar og sagðist þeirrar skoðunar að hlutverk stjórnarskráarinnar væri meðal annars að vernda ákveðna menningararfleifð.

 

(meira…)

Hugleiðingar um réttarríkið

Síðastliðinn laugardagsmorgun gerði ég, undirritaður, tilraun til þess að kæra formann Félags íslenskra þjóðernissinna fyrir hótun sem ég fékk í símtali frá honum. En rannsóknarlögreglan var í fríi og enginn vildi taka við kvörtun minni. Þessi reynsla hefur valdið mér vissu hugarangri og velti ég því nú fyrir mér hvort nægilega vel sé staðið að löggæslu hér á landi.

(meira…)

Um eðli og áhrif refsinga

Franskur sagnfræðingur að nafni Michel Foucault fjallaði um eðli refsinga og þróun þeirra í gegnum tíðina í bók sinni “Discipline and punish: The birth of prison” sem gefin var út árið 1977. Á fyrstu síðum bókarinnar lýsir hann á berorðan hátt opinberri pyndingu/aftöku á manni sem átti sér stað árið 1757 í París. Glæpurinn var morð. Maðurinn, sem bar nafnið Damien, var fláður á búk, handleggjum og fótleggjum með glóandi hnífsblaði. Hann var brenndur með sjóðandi olíu og brennisteini og að endingu slitinn í fernt af hestum áður en hann var brenndur á báli (þá enn við meðvitund). Hann játaði aldrei á sig glæpinn. Slíkar opinberar refsingar þróuðust hægt og rólega yfir í það refsikerfi sem við þekkjum í dag þar sem glæpamenn greiða skuld sína við samfélagið bak luktum dyrum og úr “sjónmáli” almennra borgara.

(meira…)

Lög um persónuvernd

Íslensk erfðagreining hefur loks fengið rekstrarleyfi fyrir gagnagrunn á heilbrigðissviði. Slíkur gagnagrunnur með víðtækum upplýsingum um þátttakendur er ómetanlegt tæki fyrir vísindamenn og á eflaust eftir að hafa víðtæk áhrif. Aukin þekking á orsökum sjúkdóma og erfðagalla og framþróun í lyfjaframleiðslu er meðal þeirra jákæðu afleiðinga sem upplýsingar úr gagnagrunni á heilbrigðissviði geta haft í för með sér. Ýmis siðferði- og lögfræðileg vandamál geta hins vegar fylgt miðlægum gagnagrunni sem þessum og ætlar undirritaður að gera veika tilraun til þess að vekja athygli á þeim og hugsanlegum úrbætum.

(meira…)

Ekkert fleira að sjá

Game Over

Loka