Forstjóri Sjúkratrygginga segir að heilsugæslan og Landspítalinn eigi að veita þessa þjónustu. Vandinn er að stjórarnir á Landspítalanum og á heilsugæslunni kannast ekkert við málið. Er það þá skrítið að forráðamenn barnanna séu reiðir og hræddir? Nei, auðvitað ekki.

Ég skora á Jóhönnu að fara í málið strax. Það þarf að bera salt á velferðarbrúnna.

Ég fagna því innilega framtaki Unu Bjarkar Kjerúlf sem vakti athygli á stöðu ömmu sinnar og afa í fjölmiðlum fyrir nokkru. Una segir okkur frá því hvernig 94 ára gamall afi hennar þarf nú nauðugur að flytja í annað sveitarfélag, frá konu sinni og ömmu Unu, vegna niðurskurðar í heilbrigðisþjónustunni. Hreppaflutningar sem þessir og aðskilnaður gamalla hjóna er auðvitað með öllu ólíðandi.

Um yfirvofandi hreppaflutninga segir Una Björk:
„Aldraðir eru teknir frá fjölskyldum sínum og sendir í annað hérað. Þarna er verið að skilja í sundur öldruð hjón og varna þeim að eyða ævikvöldinu í návist hvors annars. Svona gerir maður ekki.“

Ég er henni hjartanlega sammála. Svona gerir maður ekki. Við hljótum að geta farið betur með ömmur okkar og afa á Íslandi.  Una Björk á hrós fyrir að vekja athygli á málinu og ég óska henni og ömmu hennar og afa alls hins besta í baráttunni.

—–

Mér er málið skylt því ég og mín fjölskylda vorum í svipaðir stöðu og Una Björk fyrir nokkrum árum þegar amma mín og afi fengu ekki að vera saman. Sá aðskilnaður olli miklum þjáningum og, að mínu mati, óbætanlegu tjóni.

Umfjöllun um það mál, sem átti sér stað fyrir kreppu, má finna hér:
1) Ræða á stofnfundi Aðstandendafélags aldraðra (AFA)
2) Eiga amma og afi þetta skilið?

Vandinn er sá að engar rannsóknir hafa verið birtar í ritrýndum fræðiritum sem sýna fram á þennan stórkostlega lækningarmátt Bowen tækninnar. Þetta er auðvitað ekki tekið fram í umræddri frétt. Enda kannski óþarfi?

Það er gagnrýnivert að skottulækningar séu auglýstar og kynntar með þessum hætti á opinberum vef Reykjavíkurborgar. Sérstaklega þegar börn og unglingar eru hvattir til að nýta sér þessa meðferð. Sem borgari hlýtur maður að geta gert ráð fyrir því að meðferð í boði borgarinnar sé byggð á einhverju öðru en sandi.

* Ég er ekki að grínast. Það skal tekið fram að Halla Himintungl er líka sérfræðingur í tarrotlestri, stjörnuspeki, reiki, tunglgöldrum og fleiri ósannreyndum aðferðum.

Tengt efni:
Óhefðbundinn fréttaflutningur (um gagnrýnislausa umfjöllun fjölmiðla um Bowen tækni)

„Þeir sem ástunda náttúrulækningar hafa sérstakt dálæti á að nota stólpípur til að losa eitur úr líkamanum. Svo virðist sem þeir telji að það sé „náttúrlegt“ að smeygja slöngu upp endaþarm og spúla hann með miklu magni af vatni. Um leið telja hinir sömu að það sé eitthvað „ónáttúruleg“ við það að taka inn lyf, sem í mörgum tilfellum eru unnin úr efnum sem finnast í náttúrunni.„

Þetta segir meðal annars í bók Martin Gardner „Fads & Fallacies in the name of science“ (á íslensku gæti þetta útleggst: „Tískubylgjur og rökvillur í nafni vísindanna“) sem kom út árið 1952, eða fyrir tæpum 60 árum síðan.

Í ljósi umræðunnar síðustu daga um Detox Jónínu Ben er áhugavert að sjá hvað lítið hefur breyst frá því þessi áhugaverða bók kom út. Fyrir meira en hálfri öld voru náttúrulæknar sannfærðir um að ristilskolun væri langbesta leiðin til að lækna fólk af ýmsum kvillum eins og sýfilis, botnlangabólgu, og berklum.  Sögðu þeir um leið að lyfin gerðu oftar en ekki illt verra.

Bestu vopnin gegn allri vanheilsu voru stólpípa (ristilskolun), eimböð, sólböð, heitir bakstrar, innrautt ljós, titringur og ýmislegt fleira.  Lyf voru sögð að mestu skaðleg og að þau væru aðeins seld vegna mikils þrýstings frá „lyfjarisum“ og „læknasamtökum“.

Þá voru ekki til nein haldbær vísindaleg gögn sem sýndu fram á gagnsemi ristilskolunar. Ekki frekar en nú.

Þrátt fyrir þennan undarlega skort á vísindalegum rannsóknum heldur Jónína Ben því ennþá fram að ristilskolun sé allra meina bót og kallar meðferðina „læknismeðferð“.  Enginn gögn eru lögð fram en þess í stað er umræðan kaffærð með reynslusögum um gagnsemi ristilskoðunar, fúkyrðum og persónuárásum.

Á vefsíðu detox.is má þannig lesa „vitnisburð“ fólks sem telur sig hafa læknast af MS-sjúkdómnum, háum blóðþrýstingi, þunglyndi, sykursýki, exemi,  „óheilbrigðum“ ristli og mörgu fleiru. Hvergi kemur fram á vefsíðu Detox að taka beri sjálfsgreiningar með miklum fyrirvara. Þvert á móti eru reynslusögurnar kjarninn í málflutningi Jónínu Ben. Engin vísindaleg gögn, engar sannreyndar aðferðir kynntar heldur er áherslan lögð á „vitnisburð“ að hætti trúfélaga. Enda kemur í ljós að detox meðferðin er hálfgerð kraftaverkasamkoma ef marka má frásagnir skjólstæðinga Jónínu:

„Maður sá kraftaverkin gerast, blóðþrýstings- ofnæmis- og blófitulyf [sic] fengu m.a. að fjúka og ekki virtist neinum verða meint af, þvert á móti.“ – Tekið af detox.is

Um geðsjúka, þröngsýna og vanhæfa gagnrýnendur sem leggja Jónínu Ben í einelti
Nokkrir einstaklingar, þar á meðal undirritaður, hafa í gegnum tíðina fjallað um gagnrýnisleysið sem virðist yfirtaka fjölmiðla þegar kemur að umfjöllun um „óhefðbundnar“ lækningar.* Þegar kemur að gagnrýni á Detox Jónínu Ben hefur Svanur Sigurbjörnsson, læknir, verið hvað duglegastur. Hefur hann fjallað um ristilskolun af bæði yfirvegun og þekkingu. Rökin sem hann hefur beitt í umræðunni standa óhögguð. Eins og oft vill verða þegar fólk er rökþrota þá grípur Jónína Ben til persónuárása og skítkasts.

Ég lýk umfjöllun minni með því að vitana beint til orða Jónínu Ben. Viðbrögð hennar við gagnrýni segja allt sem segja þarf.

Bréf til landlæknis dagsett 9. september  2009:
„Matthías [Halldórsson - þáverandi landlæknir] þröngsýni þín segir mér að þú sért starfi þínu ekki vaxinn.“

Bréf til landlæknis dagsett 15. desember 2009:
„Mín skoðun, og fleiri, er að Svanur [Sigurbjörnsson] þarfnist geðrannsóknar við.“

„Ég legg til að þú kynnir þér hvað ég er að gera hér áður en þú eyðir orku þinni í svona bull.

Sjálf hef ég boðist til þess að útskýra fyrir þér þessa meðferð. Þú [Matthías Halldórsson - þáverandi Landlæknir] hefur ekki sýnt því nokkurn áhuga og ert að mínu viti ekki starfi þínu vaxinn. Endar ertu að hætta og það að níða það sem vel er gert í heilsugeiranum verður örugglega þitt síðasta verk !“

„Ef þú [Matthías Halldórsson] og þetta fólk heldur áfram þessu einelti á hendur mér, starfsfólki mínu og fyrirtæki mun ég kæra þig og þau til dómstóla fyrir ítrekaðan atvinnuróg. „

Ofstækisfullur málflutningur á Facebook
Jónína Ben fjallar einnig af stakri yfirvegun um Detox og gagnrýnendur á Facebook síðu sinni sem er öllum opin:

13. maí 2010 (tengist ekki detox en passar ágætlega inn í umræðuna)
„“Sannleikurinn mun gera yður frjálsa“ Joh. 8:32
Lifum lífi okkar samkvæmt því og leysum okkur sjálf og aðra úr eymd lýginnar og blekkingarinnar.“

31. maí 2010
„Getur þú ekki sofið á nóttunni ? Þarftu svefnlyf ? Detoxmeðfeðrin kemur svefninum í lag. Þú þarft að hreinsa þig í 14 daga.“

„Detoxmeðferðin vinnur gegn þunglyndi. Bóka sig núna !! 5128040.“

3. júní 2010
„Detox er málið og heilbrigði og hamingja fylgja fast á eftir. Ég átti ekki krónu með gati þegar ég fór fyrst í Detox.“

9. júní 2010
„Síminn minn er xxx xxx xxx xxxx Ef það er eitthvað sem ykkur liggur á hjarta og viljið ekki lyf við því “

10. júní 2010
„Ég hvet læknasamtökin til þess að fara yfir öfgaskrif, níðskrif, blekkingarleik, lyfjasýki, trú-leysiisofstæki [sic], tengsl við Hreiðar Má, áráttuhegðun og lygar þessa manns. Ég og fleiri höfum fengið nóg af skrifum hans sem einkennast af ofsóknaræði. Hann er lyflæknir og matar landlækni á þvælu. Tékkið á tengslum hans við …þá sem ég hef verið að gagnrýna í viðskiptalífinu og þá sér fólk hvað liggur að baki þessu ef það er þá ekki hrein geðveila. Ég hef fengið kvartanir undan honum ítrekað.“

11. júní 2010
„Má borða hollan mat ? Vara að hugsa það áðan hvort að við íþróttakennarar ættum að banna Svani að kenna Crossfit ? Bara að hugsa upphátt.“

12. júní 2010
„Þegar ég horfði upp sá ég bottninn [sic]…………..en Guð leiddi mig í detox.“

„Það er ekki hægt að rökræða um Detoxmeðferðina frekar en um áhrif þess að vera á lyfjum.“

13. júní 2010
„20% afsláttur á ristilskolun ef þið bókið á morgun. Enginn notar sömu slönguna, allir fá sótthreinsun. Enginn sýkist. Landlæknir Matthías froðufellir og Svair [sic] geta ekki sungið. Bókið ykkur 5128040“

„Ristilskolun losaði mig við „vefjagigt“ sjúkdómur sem að setur hundruðir á örorkubætur án þess að vísindalegar ástæður liggja að baki.“

- – - – - – - – - -

Sjá einnig:
Greinargerð vegna svokallaðrar detoxmeðferðar [Landlæknir]

Lyf eða ekki lyf? [Svanur Sigurbjörnsson]

Jónína Ben og Matthías Halldórsson fyrrverandi landlæknir á Bylgjunni 14. júní 2010

Jónína Ben og Detoxið gagnrýnd í kvöldfréttum [Kristinn Theódórsson]

* Nokkrar greinar sem tengjast óhefðbundnum lækningum og gagnrýnisleysi fjölmiðla

Detox læknar óttast að vera drepnir af lyfjafyrirtækjum

Ó nei, tunglið er fullt (umfjöllun um staðfestingahneigð)

Óhefðbundinn fréttaflutningur

Nýöldin á Stöð 2 – Ábyrgð fjölmiðlamanna

Vörumst skottulækningar

Opinberi meðferðarfulltrúinn Jesús

Skipholtsapótek selur snákaolíu

Auðvitað er það slæmt að vera fíkill, hvort sem það er í áfengi, vímuefni, fjárhættuspil eða hvað eina. Þessu eru væntanlega allir sammála. Langflestir eru einnig sammála um að hið opinbera eigi að veita fólki í vanda aðstoð og reyna að draga úr óhamingju fólks.

Til að geta tekið upplýsta ákvörðun um rekstur spilavíta þurfa menn í það minnsta að velta fyrir sér tveim spurningum.

Í fyrsta lagi: „Er það ljóst að rekstur spilavíta undir ströngu eftirliti muni auka vanda þeirra sem þjást af spilafíkn?“

Önnur spurning er svo: „Jafnvel þó spilavíti muni auka vandann, er siðferðilega réttlætanlegt að banna slíka starfsemi?“

Út í hött er að taka afstöðu til málsins áður en búið er að leita svara við fyrri spurningunni. Síðan má skoða seinni spurninguna og rökræða forræðishyggju.

Mætur stjórnmálamaður sagði nýlega á opinberum vettvangi að „Spilavíti og spilakassar sem byggi á fíknimyndun, skapi eymd og fátækt.“ Þess vegna væri rétt að banna rekstur spilavíta.

Gott og vel. Vandinn er sá að það nákvæmlega sama má segja um annað í okkar samfélagi. Eins og áfengi, tölvuleiki og meira að segja verðbréfaviðskipti. Þeir sem vita eitthvað um viðskipti með verðbréf sjá í hendi sér að verðbréfamarkaðir eru lítið annað spilavíti. Spilavíti þeirra sem að jafnaði ganga um göturnar í jakkafötum.

En ef þetta eru rökin á þá að banna áfengi, tölvuleiki og verðbréfaviðskipti?

Ég leyfi mér að spyrja: Hafa rannsóknir sýnt að aðstæður spilafíkla eru verri þar sem spilavíti eru leyfð undir ströngu eftirliti?  Það getur vel verið. Ég hef einfaldlega ekki ennþá heyrt um eða séð þær rannsóknir.

Afstaða pólitíkusa virðist byggja á því að það hljóti bara að vera þannig og því þurfi ekki að kanna málin.

Ég vara við að fólk taki afstöðu til mála án þess að hafa staðreyndirnar á hreinu. Munum að vegurinn til glötunar er oft varðarður góðum ásetningi. Menn héldu einu sinni að hægt væri að koma í veg fyrir slæmar afleiðingar áfengisneyslu með því að banna sölu áfengis. Sagan sýnir að þeir sem héldu þessu fram höfðu rangt fyrir sér.
Ég vil fá umræður um þessi mál. Ekki bara upphrópanir um að sjálfsögðu eigi að banna.

Rökin fyrir því að banna rekstur spilavíta eru þau helst að með rekstri slíkra staða muni fíklum fjölga, eymd aukast og jafnvel talað um að fjölskyldur muni tvístrast. Eins og áður segir finnst mér vanta einhver gögn sem sýna fram á að þetta verði raunin.

Sjálfur tel ég að bönn séu í mörgum tilfellum best til þess fallin til að veita glæpa- og ofbeldismönnum völd yfir sjúku fólki, yfir fíklum. Um leið er verið að stimpla fólk í vanda, sama fólk og verið er að vernda með boðum og bönnum, sem lögbrjóta. Það getur ekki talist háleitt markmið fyrir siðað samfélag.

„Pólsku læknarnir sem rannsaka detox hafa báðir sagt við mig að þær þori ekki að birta nokkuð um detoxið af ótta við að vera drepnar af lyfjafyrirtækjunum.“ [leturbreytingar SHG] -  Þetta segir Jónína Ben í faglegri umræðu um detox á netinu (en ekki hvar?).

Hér er augljóslega um stórfrétt að ræða sem ég treysti að íslenskir blaðamenn skoði ofan í kjölinn.  Samkvæmt áreiðanlegum upplýsingum af vefsíðu Detox á Íslandi skilar detox meðferðin undraverðum árangri. Þannig hafa skjólstæðingar Jónínu losnað við þunglyndi, kvíða, vefjagigt, liðagigt, sýkingar, háan blóðþrýsting, exem, sykursýki og einn hefur jafnvel losnað við einkenni MS (Multiple sclerose).  Detox virðist því næstum því vera álíka öflug meðferð og Höfuðbeina- og spjaldhryggsjöfnun, Bowen tækni, hómópatía og lithimnufræði.

Vandinn er að hingað til hafa engar rannsóknir sýnt fram á þessi byltingarkenndu áhrif detox meðferðar. Gagnsemisupplýsingarnar eru komnar frá skjólstæðingum Jónínu sem dásama meðferðina með „vitnisburði“* sínum.  En nú er semsagt komið kjörið tækifæri til að breyta þessu. Íslensk stjórnvöld geta nú veitt detoxlæknunum pólitískt hæli hér á landi svo þeir geti birt rannsóknir sínar óáreittir. Ég get hugsað mér fátt betra fyrir ímynd Íslands en að veita tveim verðandi nóbelsverðlaunahöfum í læknisfræði öruggt skjól.

*Skemmtileg tilviljun að orðið „vitnisburður“ er einatt notað á trúarstöðinni Omega þar sem hinir trúuðu útskýra hvernig þeir hafa læknast með hjálp Jesú*.

Sjá nánar:

Hvers vegna EKKI detox! (eftir Svan Sigurbjörnsson lækni)

Nánari upplýsingar um Alþjóða geðheilbrigðisdaginn er að finna á vefsíðu dagsins www.10okt.com.

]]> http://skodun.is/2009/09/23/althjodlegi-gedheilbrigdisdagurinn/feed/ 1 http://skodun.is/2009/09/18/ahugavert-spjall-um-detox/ http://skodun.is/2009/09/18/ahugavert-spjall-um-detox/#comments Fri, 18 Sep 2009 09:09:06 +0000 Sigurður Hólm Gunnarsson http://skodun.is/?p=1392 Það er ákveðið detox æði á Íslandi í dag enda hefur sú meðferð fengið gríðarlega mikla umræðu undanfarið. Í nánast öllum tilfellum hefur verið rætt við fólk sem hefur farið í detox og er afskaplega ánægt. Minna hefur verið fjallað gagnrýnið um detox meðferð enda virðast fjölmiðlamenn almennt gera ráð fyrir því að þetta sé allra meina bót. Á vefsíðu detox er enda talað um að ristilskolun geti læknað ólíklegustu kvilla eins og gigt, psoriasis, astma, ofnæmi, há- og lágþrýsting, höfuðverk, nikótín- áfengis- og lyfjaeitrun svo eitthvað sé nefnt.

En eru til einhverjar vísindalegar rannsóknir sem staðfesta gagnsemi þessarar undrameðferðar? Stutta svarið er nei.

Í Vísindaþættinum á Útvarpi Sögu var tekið viðtal við Svan Sigurbjörnsson lækni, félaga minn, þar sem hann fjallar um nauðsyn þess að allar meðferðir gangist undir vísindalegar próanir. Hann bendir réttilega á að fátt bendi til þess að detox skili þeim árangri sem lofað er og því sé vægast sagt vafasamt að auglýsa meðferðina sem töfralausn. Ég hvet alla til að hlusta á þetta fróðlega viðtal.

Sjá nánar:
Viðtal við Svan Sigurbjörnsson, lækni, í Vísindaþættinum
Grein Svans um detox
Vefsíða Vísindaþáttarins
Vefsíða Detox á Íslandi

Þó að bann við mannlegum breyskleika myndi skila árangri er vafasamt að slíkt bann gæti talist siðferðilega rétt. Ég minni á gamla Sovét, þriðja ríki nasismans, fjölmörg múslimaríki og sæluríkin Kína og Norður-Kóreu í þessu samhengi. Öll þessi „velferðarríki“ reyndu, og reyna, að búa til fyrirmyndarsamfélag með boðum og bönnum. Helst með hörðum refsingum þar sem hinum brotlega er ekki sýnd nein miskunn, öðrum víti til varnaðar.

Tóbaksvarnarþingið, sem auðvitað vill vel, ætlast ekki aðeins til að tóbak verði bannað á Íslandi það telur einnig „óæskilegt“ að „leikarar reyki í íslenskum bíómyndum og á leiksviðum“ og er því hlynnt ritskoðun í anda sæluríkja kommúnisma. Að auki virðast læknarnir góðu vilja að sett verði lög þar sem fólk verði annað hvort sektað eða handtekið fyrir það að reykja á almannafæri.*

Þessi öfgafulla afstaða bendir til þess að það sé til eitthvað sem er jafnvel verra en lögregluríki, og það er þá læknaríki.

Í fljótu bragi sé ég aðeins tvö atriði í ályktun læknanna sem ég gæti stutt. Í fyrsta lagi að vernda þurfi hópa sem enn eru útsettir fyrir óbeinum reykingum. Þetta er sjálfsögð krafa, enda á fíkn eins í reykingar ekki að hafa bein áhrif á aðra sem kæra sig ekki um að stunda slíka iðju. Í öðru lagi get ég stutt kröfu um takmarkanir á auglýsingum á tóbaki, þá með það að markmiði að vernda ungt fólk fyrir áróðri.

Annars tel ég að læknarnir ættu að einbeita sér að forvörnum og auka fjölbreytni á úrræðum til að hjálpa fólki að reykja. Eins og með því að leyfa elektrónískar sígarettur.

Nú veit ég ekki hvernig stjórnvöld taka ábendingum læknanna en eitt er víst. Ef sæluríki lækna verður að veruleika er ég fluttur úr landi.

*Úr ályktun Tóbaksvarnarþings:

„• Að hætta sölu tóbaks í matvöruverslunum og á bensínstöðvum fyrir árslok árið 2010.

• Að hætta sölu tóbaks í söluturnum árið 2012.

• Stefna að því að Ísland verði fyrsta landið í heiminum til að taka tóbak alfarið úr almennri sölu.

• Nýjar dreifingar og söluleiðir á tóbaki (t.d. öll sjálfsafgreiðsla) verði óheimilar.

• Tóbak verði tekið úr sölu í fríhöfnum íslenskra flugvalla.

• Aldur til að geta keypt tóbak verði hækkaður í 20 ár fyrir árslok 2010.

• Aldur til að afgreiða tóbak verði hækkaður í 20 ár fyrir árslok 2010.

• Að hnykkt verði á banni við að auglýsa eða selja varning með nafni eða merki sem tóbak er einnig fáanlegt undir.

• Auglýsingar, t.d. á kappakstursbílum eða í íþróttaútsendingum, verði takmarkaðar með því að skylt verði að útmá auglýsingarnar í t.d.  sjónvarpsútsendingu eða tímariti.

• Þingið telur óæskilegt að leikarar reyki í íslenskum bíómyndum og á leiksviðum.

• Vernda þarf hópa sem enn eru útsettir fyrir óbeinum reykingum s.s. fangar, fangaverðir og starfsmenn vistheimila.

• Stefnt verði að því að afnema reykingar á almannafæri.

• Að taka tóbak út úr vísitöluútreikningi.

• Stefnt skal að því að útsöluverð á tóbaki standi undir samfélagslegum kostnaði við neyslu þess.“

Verð að benda á stutt viðtal við mig um elektrónískar sígarettur í Fréttablaðinu í dag. Ég hvet líka áhugasama um að lesa grein mína um sama mál hér: Um elektrónískar sígarettur. Bendi líka á Fésbók hópinn: Fáum stjórnvöld til að leyfa e-sígarettuna.