Hvað á að gera í innflytjendamálum?

Nú eru innflytjendamálin komin til umræðu enn á ný. Eins og oft áður einkennist umræðan af ógeðfelldri blöndu af útlendingaótta og pólitískum rétttrúnaði. Ekkert nýtt hefur komið fram í umræðunni og engar nýjar lausnir á meintum vanda. Ég skrifaði grein um nákvæmlega þessi mál árið 2000 og benti á þrjár mögulegar “lausnir” við meintum innflytjendavanda.

(meira…)

Þörf á endurskoðun 24 ára reglu

Toshiki Toma, prestur nýbúa, skrifar:

Hin svokallaða “24 ára regla” í útlendingalögunum er afar umdeild, bæði á Íslandi og í Danmörku. Í stuttu máli kveður reglan á um að giftist útlendingur Íslendingi geti hann ekki fengi dvalarleyfi á grundvelli fjölskyldutengsla sé útlendingurinn yngri en 25 ára.

(meira…)

Ímyndaður útlendingavandi

Ný könnun Gallups um afstöðu Íslendinga til útlendinga er skýrt dæmi um nauðsyn þess að halda uppi opinni og gagnrýnni umræðu um málefni innflytjenda. Samkvæmt niðurstöðum könnunar Gallups hafa fordómar gagnvart útlendingum aukist nokkuð og fleiri en áður eru á móti því að útlendingar fái að setjast að og vinna hér á landi. Afstaða fólks virðist byggjast á ótta sem ekki er í samræmi við neinar staðreyndir. Tölulegar staðreyndir sýna ekki fram á nein “vandamál” vegna innflytjenda á Íslandi sem geta útskýrt vaxandi óþol Íslendinga gagnvart þeim.

(meira…)

Um rasisma og ofbeldishótanir

Rasistinn Ásgeir Hannes Eiríksson segist hafa fengið hótunarbréf frá “útlendingi” sent til sín vegna skoðana sinna. Ljótt ef satt er. Menn eiga aldrei að þurfa að líða hótanir vegna skoðana sinna, sama hversu gagnrýnisverðar skoðanir þeirra annars eru. Ásgeir sagði í DV í gær að lögreglan hefði brugðist skjótt við og “haft hendur í hári Ganaverjans”. Það er að vissu leyti ánægjulegt að lögreglan skuli nú bregðast við hótunum. Þegar ég reyndi fyrir nokkrum árum að leggja fram kæru gegn íslenskum rasista sem hringdi heim til mín og hótaði mér öllu illu þá ráðlagði lögreglan mér sérstaklega að kæra ekki!* Ég ætti ekki að taka slíka hótun alvarlega. Þegar ég óskaði eftir því að koma mín á lögreglustöðina yrði þá bókuð var mér sagt að slíkt gerði lögreglan ekki. Kannski hefur litarháttur þess sem hefur í hótunum áhrif á aðgerðir lögreglu?

(meira…)

Skoðanamyndandi skoðanakannanir

Ásgeir nokkur Eiríksson var gestur í útvarpsþættinum Reykjavík síðdegis á Bylgjunni í gær og fékk hann þar að boða fordóma sína og ranghugmyndir gagnvart innflytjendum gagnrýnislaust. Rökvillurnar og fordómarnir sem þessi maður lét frá sér svo margar og augljósar að hálf vandræðalegt var að hlusta á hann. Byggði hann ofsakenndan málflutning sinn meðal annars á marklausri skoðanakönnun sem Bylgjan stóð fyrir.

(meira…)

Ekkert fleira að sjá

Game Over

Loka