Skoðun » Dagbók

Hot Yoga fyrir spýtukalla

Sigurður Hólm Gunnarsson — Thu, 02 Sep 2010 17:44:54 +0000

Að fylgjast með mér í Hot Yoga er eflaust svipað og að hlusta á Tóta tölvukall syngja aríu. En mér er sama. Þetta er frábær æfing sem hefur komið mér verulega á óvart. Aldrei grunaði mig að Yoga væri svona erfið æfing. Ég hef æft ýmislegt um ævina og er Hot Yoga með því erfiðasta sem ég hef prufað (og þá er ég ekki að bera Yoga saman við hraðskák).

Deila

Sól og sumar

Sigurður Hólm Gunnarsson — Tue, 13 Jul 2010 07:39:18 +0000

Þessi síða verður ekkert uppfærð næstu vikur (ekki frekar en þær síðustu). Vonandi verð ég duglegri að skrifa eitthvað þegar líður að hausti. Þangað til ætla ég að njóta sólarinnar og vera í fríi.

Deila

Viðburðarík jól

Sigurður Hólm Gunnarsson — Thu, 25 Dec 2003 14:31:10 +0000

Þetta eru búin að vera undarlegustu jól sem ég hef upplifað. Fékk heiftarlegt botnlangakast aðfararnótt þriðjudagsins 23. og var sóttur af sjúkrabíl og sendur beint í skurðaðgerð. Ég var búinn að vera með verki í þrjá daga áður en ég hafði samband við lækni og því má í raun segja að ég hafi verið heppinn að hafa farið í aðgerð áður en botnlanginn sprakk, en það munaði víst ekki miklu.

Þvílíkan og annan eins sársauka hef ég að líkindum aldrei á lífi mínu upplifað. Þetta var svo sárt að þeir fjölmörgu skammtar af morfíni sem mér voru gefnir höfðu nánast engin áhrif.

Ég veit ekki hvar ég væri hefði Halli brósi ekki komið mér til hjálpar. Hann stóð sig eins og hetja. Hann fékk mig til að hafa samband við lækni, fór með mér í sjúkrabílnum upp á sjúkrahús og svo hefur hann verið afskaplega duglegur við að hjúkra mér. Hann meira að segja þvoði á mér hárið í gær . Takk brósi!

Sem betur fer gekk aðgerðin vel og ég er nú allur að koma til. Fékk að fara heim fyrir mat á aðfangadag en gat þó ekki borðað nema mjög lítið, enda enginn jólamatur handa mér strax, bara bananar og jógúrt. Þvílík gleði! Ég stefni þó að því að stelast í smá kjöt í kvöld

Deila

Með fjórar bækur á náttborðinu

Sigurður Hólm Gunnarsson — Fri, 28 Nov 2003 19:48:27 +0000

Þessa dagana er ég að lesa fjórar bækur. Lies (And the Lying Liars Who Tell Them) eftir Al Franken, Dude, Where is my Country? eftir Michael Moore, Why I am not a Muslim eftir Ibn Warraq og The Truth About Markets eftir John Kay. Ég mæli eindregið með öllum þessum bókum. Skemmtilegar og umfram allt fræðandi bækur.

Eins og lesendur mínir hafa tekið eftir er langt síðan ég hef skrifað í vefdagbókina mína. Ég hef verið upptekinn við að uppfæra Skoðun og færa vefinn yfir á annan server. Nú ætla ég að vera duglegri í framtíðinni að segja eitthvað persónulegt. Talandi um það. Ég er farinn í sturtu .

Deila

Ný Skoðun tilbúin

Sigurður Hólm Gunnarsson — Wed, 01 Oct 2003 01:25:05 +0000

Jæja, þá er maður loksins búinn að uppfæra Skoðun. Búið að vera mikið og strangt verk. Dagbókarfærslunnar mínar munu ekki birtast lengur á forsíðu Skoðunar enda er hér um veika tilraun til að gerast pro .

Þeir sem hafa áhuga á að lesa persónulegar pælingar mínar verða því að kíkja á www.skodun.is/shogun í framtíðinni.

Deila

Missti af jarðskjálftanum

Sigurður Hólm Gunnarsson — Sat, 23 Aug 2003 11:28:04 +0000

Fín sumarbústaðarferð með Selnum, Geir, Jón Skafta, Bensa og Viðari. Verst þó að hafa misst af jarðskjálftanum. Í þessum hóp þarf ansi stórann skjálfta til þess að maður taki eftir honum

Deila

Selurinn á afmæli

Sigurður Hólm Gunnarsson — Fri, 22 Aug 2003 05:41:46 +0000

Selurinn, einnig stundum kallaður Hinrik, á afmæli í dag. Í tilefni þess ætla ég að fara með honum, Geir, Jóni SkaFta og fleiri góðum mönnum upp í bústað á Flúðum í kvöld. Það verður líklegast mjög gaman.

Deila

Með 1287 skeyti í innhólfinu

Sigurður Hólm Gunnarsson — Wed, 20 Aug 2003 03:22:53 +0000

Þegar ég byrjaði að vinna í uppáhalds vinnunni minni (eða þannig) í dag gerði ég það sem ég geri alltaf í byrjun vinnudags, þ.e. sótti tölvupóstinn minn. Nú 20 mínútum síðar er ég enn að. Enda ekki með nema 1287 skeyti í innhólfinu mínu. Mikið fyrirlít ég þessa tölvunörda sem hafa ekkert annað við tíma sinn að gera en að búa til tölvuvírusa!

Deila

Vinir og börn

Sigurður Hólm Gunnarsson — Fri, 15 Aug 2003 08:40:41 +0000

Mikið hrikalega er maður orðinn gamall þegar vinir manns og kunningjar eru allir farnir að eignast börn. Vinur minn hann Brynjólfur er með barnið sitt hana Isabelli Heiðrúnu, sem á heima í Noregi, í heimsókn þessa dagana. Eru þau ekki sæt? Nú fer maður bráðum að ættleiða held ég…

Deila

Nokkrir góðir dagar

Sigurður Hólm Gunnarsson — Wed, 06 Aug 2003 07:30:17 +0000

Á föstudaginn kíkti ég með Hinrik á Flúðir. Þar hittum við Geir, Bensa, Jón Skapta Skafta, Ragga Guðmunds og Jónas og skemmtum okkur vel. Á laugardag héldum ég Hinrik og Bensi áfram til Akureyrar og eyddum það sem eftir var af Verslunarmannahelginni. Við keyrðum yfir Kjöl sem var algjör martröð!

Það var mjög gaman á Akureyri og kynntist ég þar fólki sem ég vonast til að kynnast betur… Eftir helgi ákvað ég að taka rútuna til Reykjavíkur þar sem ég hélt að ég þyrfti að vinna. Það var víst einhver misskilningur. Hinrik er því einn á hringferð um landið.

Deila