Hrokakeppni Framsóknarmanna

Logo

Sigurður Hólm Gunnarsson

Sigurður Hólm Gunnarsson ritstjóri Skoðunar sem stofnað var þann 23. júní 1999.

19/08/2013

19. 8. 2013

Stundum held ég að þingmenn og ráðherrar Framsóknarflokksins séu í einhverri innbyrðis keppni um að fara í taugarnar á almenningi í landinu. Hrokinn í tilsvörum þeirra er það algengur að ekki er hægt að gera þeim upp að vera einfaldlega svona lélegir í mannlegum samskiptum. Framsóknarþingmennirnir hljóta að svara svona af ráðnum hug. Óljóst er […]

Framsókn fyrir ÍslandStundum held ég að þingmenn og ráðherrar Framsóknarflokksins séu í einhverri innbyrðis keppni um að fara í taugarnar á almenningi í landinu. Hrokinn í tilsvörum þeirra er það algengur að ekki er hægt að gera þeim upp að vera einfaldlega svona lélegir í mannlegum samskiptum. Framsóknarþingmennirnir hljóta að svara svona af ráðnum hug.

Óljóst er hver er að vinna þessa ömurlegu hrokakeppni en fjórir þingmenn berjast nú um forystusætið. Vigdís Hauks, Sigmundur Davíð, Gunnar Bragi og Sigurður Ingi. Erfitt er að sjá hver þeirra stendur sig best í því að tala niður til almennings.

Eitthvað virðist Gunnar Bragi Sveinsson, utanríkisráðherra, hafa óttast um stöðu sína í hrokakeppninni og ákvað því að lýsa því yfir í gær að ekki kæmi til greina af hans hálfu að kjósa um áframhaldandi viðræður við ESB.

Augljóst er að Gunnar Bragi lætur þessi orð falla einungis til að stuða alla sem eru ekki fullkomlega sammála honum. Virkilega sterkur leikur. Hvort nýjasta útspil hans kemur honum á toppinn í hrokakeppninni er óljóst enda verða stigin ekki tekin saman fyrr en um mánaðarmót. En keppnin er hörð og er ég aðallega forvitinn um hvað sé í verðlaun. Mig grunar að það sé fylgishrun en Framsóknarmenn vita eflaust betur.

p.s.
Hættum þessari vitleysu og klárum dæmið!

Vinsamlegast skrifið undir þessa áskorun: http://www.petitions24.com/klarum_daemid

Sjá einnig:

Deildu