Stjórnarskrármálið í höfn!

tvofaldur-regnbogi
Sigurður Hólm Gunnarsson

Sigurður Hólm Gunnarsson

Fregnir herma að Sjálfstæðisflokkurinn, undir forystu Bjarna Ben, sé tilbúinn að samþykkja drög að nýrri stjórnarskrá svo lengi sem 114% kosningabærra manna staðfesti drögin í þjóðaratkvæðagreiðslu sem haldin verður í blíðskaparveðri undir tvöföldum regnboga þann 30. febrúar næstkomandi.

Samkvæmt sömu heimildum strandar málið nú helst á Framsóknarflokknum og þá sérstaklega Vígdísi Hauksdóttur sem óttast að án strangari skilyrða sé stærðfræðilega mögulegt koma nýrri stjórnarskrá í gegn. Einnig telur hún töluverð hættu á því að, án breytinga, verði leyfilegt samkvæmt stjórnarskrá að nota íslenska krónu til að aðstoða fátækt fólk „í útlöndum“. Formaður Bjartrar Framtíðar er bjartsýnn á að hægt verða leysa málið fyrir fyrrgreinda dagsetningu.

Ekki náðist í Árna Pál en talið er víst að hann vilji reyna að ná eitthvað betri samningum.

Deildu þessari grein

Share on facebook
Share on google
Share on twitter
Share on email
Loka