Aumingja- og hálfvitadýrkun á Íslandi
Höfundur: Sigurður Hólm Gunnarsson
Efnisorð: Fjölmiðlar
Viðbrögð: Ummæli (
Ég er orðinn dauðþreyttur á hetjufréttum og töffaramyndum af aumingjum, hálfvitum og siðleysingjum á Íslandi. Sumir íslenskir fréttamiðlar virðast hafa pervetíska ánægju af því að upphefja sorann.
Englar Helvítis
Viðhafnarviðtöl eru tekin við forsvarsmenn íslensk mótorhjólaklúbbs sem nú hefur fengið fulla aðild að glæpasamtökunum Hells Angels. Háttsettir félagsmenn í Hells Angels hafa fengið dóma fyrir morð, manndrápstilraunir, ofbeldi, fíkniefnaviðskipti og aðra siðleysu. Góður félagsskapur það.
Ég er á því að einstaklingar sem eru félagar í samtökum eins og Hells Angels hljóti að vera siðlausir með öllu. Mér er algjörlega sama hvort einstaka félagar í „Hells Angels“ á Íslandi hafi gerst sekir um lögbrot eða ekki. Félagið er þekkt glæpafélag í heiminum og það er nóg. Hvaða einstaklingur með siðferðisvitund vill kenna sig við slíkt félag?
Glæpamenn í sveitasælu
Glaðlegar töffaramyndir fylgja frétt um kynferðisafbrotamanninn Guðmund Jónsson (í Byrginu) og handrukkarann Annþór Karlsson. Þeir eru nú báðir vistaðir í lágmarksöryggis- og sveitasælufangelsinu Bitru. Enda hafa þeir báðir verið svo góðir og samviskusamir fangar. Lýsingin á Bitru minnir fremur á lúxus sumarbústað en fangelsi. En þar er setustofa, eldhús, borðstofa og aðstaða til líkamsræktar. Fangarnir hafa nánast óheftan aðgang að síma. Þeir stunda nám, iðka tómstundir, líkamsrækt og íþróttir. Þar að auki hafa þeir rétt á útiveru. Aumingja þeir.
Í frétt um þá félaga segir:
„Guðmundur hefur komið sér vel fyrir í fangelsinu og sér meðal annars um að elda ofan í bæði fanga og fangaverði.“
Það eina sem vantar er krafa um að maðurinn sé boðaður í heimsókn á Bessastaði til að taka á móti Fálkaorðu.
Stjörnufréttir um ofbeldismenn með töff viðurnefni
Af einhverjum ástæðum keppast sumir fréttamiðlar um að segja í stjörnufréttastíl frá „afrekum“ ofbeldismanna. Við fáum að vita að Jón „stóri“, sem er þekktur fyrir ofbeldi, misnotkun á stúlkum, vímuefnamisferli og eignaspjöll, sé kominn með nýja kærustu og að ástin blómstri. Auðvitað fylgir mynd af gleðinni með. Vinur „stóra“ kallaður Dabbi „Grensás“ var svo víst að opna nýjan skemmtistað sem verður örugglega vinsæll. Gott hjá honum. Umræddur Dabbi hefur hlotið dóma fyrir mjög alvarlegar líkamsárásir. Það alvarlegar að mér er sagt að lögreglumenn og dyraverðir á skemmtistöðum séu skíthræddir við hann.
Hvers vegna er verið að segja svona fréttir af þessum vitleysingum? Hvers vegna birta fjölmiðlar myndir af þessum aumingjum brosandi með sætar stelpur sér við hlið? Af hverju eru „töff“ viðurnefni þessara manna notuð? Jón þessi er ekkert sérstaklega „stór“ og Dabbi er ekki gata í Reykjavík. Þetta eru ofbeldismenn og hrottar.
Glæpamenn gerðir að fyrirmyndum
Ég er á því að fréttaflutningur af þessu tagi þjóni engum öðrum tilgangi en að sveipa ofbeldi og soraskap hetjuljóma. Ég hvet blaðamenn að hætta að segja hetjufréttir af vitleysingum.
Sammala, en thetta er ekki bundid vid Island.. og i sambandi vid HA tha er thad nu aldeilis flott ad vera med hrotta sem standast althjoda maelikvarda.. svona eins og ad na Olimpiu lagmarki i fantaskap.. en eg held ad um thetta snuist malid. Islendingar vilja ekki vera „a eftir odrum thjodum“ og til ad sanna ad Reykjavik se nu alvoru heimsborg ber ad auglysa ad vid erum sko lika med alvoru glaepona og gotugengi, thurfi sko ekki ad missa af ad vera lamin, raendur, naudgad eda jafnvel drepin ef thu kemur til Islands.. her se sko bodid uppa „fulla thjonustu“ i storborgar hasar..
Held ad thetta se afleiding minnimattarkendar sem smathjod og thvi ad folk almennt thekkir ekki thann hrylling sem langvarandi ofbeldis og glaepastarfsemi hefur a menningu og ibuana sem thurfa ad thola thad.. Hafa ekki sed vidtol vid nogu margar gratandi maedur i sjonvarpi sem eru nybunar ad missa bornin sin i fikniefni, vaendi, skotarasir, fangelsisvistir thar sem doctorsgradur i glaepum og ofbeldi eru aunnar svo nokkud se nefnt.
En hei, allir saman nu vera med og falla inni hopinn.. litil thjod getur sko alveg buid til storglaepona eins og storthjodir heimsins..!!
Algerlega sammála þér Siggi. Hér eru hins vegar ágætis hugleiðingar Sölva Tryggvasonar á pressunni: http://www.pressan.is/pressupennar/LesaSolvaTryggvason/klamid-er-lika-a-ykkar-abyrgd .
Þetta er spurning að segja frá hlutunum og leyfa fólki að dæma sjálft. Hefði fréttirnar af Hells Angels ekki verið sagðar hefðir þú líklega ekki vitað af því að Hells Angels hefði skotið rótum á Íslandi. Sama með Guðmund í Byrginu og Annþór Karlsson. Það er klárlega fréttamál að dæmdur kynferðisbrotamaður og fíkniefnainnflytjandi fái að slaka á í sveitinni í opnu fangelsi.
Aðalsteinn – Það skiptir öllu máli hvernig er sagt frá þessum vitleysingum. Mjög margar fréttir eru skrifaðar eins og markmiðið sé að upphefja þetta lið. Það er óþolandi.
Það er eins og fólk finni ekki mun á því að vera frægur og alræmdur. Það virðist nóg að vera víðkunnur. án tillits til ástæðna, og fólk slefar yfir manni. Maður bara bíður eftir því að það komi drottningarviðtal við Steingrím Njálsson.
Hárrétt, Elías. Engin munur á frægd og því, að vera alræmdur. Bullur, ofbeldisnenn og sýkopatar eru umtalaðir, og það nægir. Hér þarf að fara fram stíft enduruppeldi þeirra sem yfirleitt skrifa í blöð.
Aðalsteinn. Þú segir að ef þessar fréttir væru ekki skrifaðar myndum við ekki vita um hagi. Annþórs og Gumma í Byrginu. Who bloody cares. Nóg er að flytja fréttir af því að tveir glæpamenn séu dæmdir til fangavistar. Við þurfum ekki að vita af klósettferðum þeirra.
Einn smá misskilningur enn. Hells Angels eru tæplega mótorhjólaklúbbur. Það er vanvirðing við okkur hin sem erum í klúbbum að kalla þá mótorhjólaklúbb. Ef þeir spiluðu skák á fundum, væru þeir þá skákklúbbur (efast þó reyndar um að þeir geti lært mannganginn…en kannski að drepa)? H.A. er glæpafélag og ekkert annað.
Að öllu leiti sammála þér Sigurður. Óþolandi fjölmiðlaforheimska sem þetta er og lýsir vel andlegum þroska þeirra blaðamanna sem við því miður sitjum uppi með.
ég sá nú reyndar Jón stóra í 10-11 um daginn. bara svo að það sé á hreinu, þá er hann mjög hávaxinn maður.
annarss er ég sammála þér að öllu leyti nema þetta hells angels dót, ég trúi því ekki að þeir stundi skipulagða glæpastarfsemi per se… en rotin epli virðast tíð í þeim tiltekna sekk.
Þetta með fangana, hvað meinaru sveitasæla þeir fá ekki að hitta ættingja og taka þátt í samfélaginu, og með því að reyna að veita þeim menntun og tækifæri er til þess að koma í veg fyrir að þeir endurtaki mistök sín aftur þegar þeir losna út.
Finnst nú skipta máli hver glæpurinn er hvort þú eigir skilið að fara á Kvigjabryggju eða Bitru, Og það að hitta ekki fjættingja, jú það er heimsókn, og if u cant do the time dont do the crime
Þessar fyrirmyndir sem fjölmiðlar eru að búa til úr þessu hyski er til háborinnar skammar. Að upphefja það versta í samfélaginu á eftir og hefur haft slæm áhrif á það. Ef samfélagið tekur á þessu þá á eftir að taka töluverðann tíma að laga þann skaða sem þegar hefur verið gerður.Því er mikilvægt að byrja sem fyrst að snúa þessari þróun við. Þeim mun lengur sem þetta fær að viðgangast þeim mun lengur tekur að laga það.
Fólkið sem samfélagið samanstendur af þarf líka hvert og eitt að líta í sinn eiginn barm og hætta að skoða þessar greinar og hvað þá að vera að dreifa þeim út um allt þó það sé til að hneykslast. Því meiri dreifing sem þessar sorp greinar fá þeim mun fleirri greinar fáum við tilbaka því eins og markaðsfræðingar myndu segja „þetta selur“. Því er mikilvægt að sleppa að skoða þessar greinar til að byrja með. Sama hversu freistandi er að lesa hversu heimskir ákveðnir aðilar eru eða hvaða vitleysu hinn og þessi tuddi voru að gera núna.
Ástæðan fyrir þessum endalausum greinum er að fólk er að lesa þetta. Það skiptir engu máli hvort það lesi þetta og hneykslist þeir eru þegar búnir að gefa greininni net-traffík og með því að dreifa henni á fleirri eru þeir að gefa meiri traffík.
Ef þið viljið dreifa til fleirri aðila greinum um fólk og þeirra afrek hvernig væri þá að dreifa frekar greinum um fólk sem þið teljið gera samfélaginu gott. T.d. afreks fólks í listum, íþróttum, vísindum og svo framvegis en þó einnig af fólki sem hefur bætt ráð sitt og tekið sig á í lífinu. Fólk sem gerir samfélaginu gott og fólk sem þið viljið sjá samfélag ykkar samanstanda af.
Munið það að þegar þið skoðið/dreifið greinum/fréttum þá eruð þið að greiða ykkar atkvæði um hvað þið viljið sjá (og að aðrir sjái) í framtíðinni á viðkomandi miðli.
Takk fyrir viðbrögðin. Ég hvet fólk til að skrifa undir nafni. Sérstaklega ef það er með sterkar „skoðanir“ á mönnum og málefnum.
Búúúú
Algjörlega ósammála… alla týð hafa sögur verið sagðar af þeim sem stinga sig út á einn eða annan hátt. frettamenn eru á fullu í því líka að segja frá þeim sem standa uppúr í virðulegum greinum (hversu stór partur af hverju blaði er undir sport og listir?) – að útiloka sorann er ekkert nema snobb
Alla týð hafa menn laðast af ferns-konar fréttum; dramatískum, tragedískum, húmor, og farsa
Fréttir af Jóni Stóra innihalda oftar en ekki efni sem fellur undir allt þetta: ergo: prýðilegt fréttaefni – og við þurfum ekki einhverja menntasnobbaða amateur-uppeldisfræðinga til að segja okkur að hegðun þessa fólks sé óæskileg (né kaupi ég þá kenningu að það sem vekur áhuga samfélagsins, geri samfélagið ósalfrátt að samskonar kvikyndi)
þannig Að BÚÚÚÚÚ
jón stóri er reyndar alveg helvíti stór. vel yfir tveir metrar! hélt alltaf að hann væri bara kallaður jón stóri því hann er massaður eða eitthvað, en svo er hann bara drullu hávaxinn
annars snilldar grein, alveg sammála!
Ég hef lengi velt því fyrir mér hvernig ég geti komið á framfæri óbeit minni á þessum „poppstjörnufréttum“ af glæpalýð og vægast sagt vafasömum karakterum, því ekki get ég hugsað mér að opna fréttina til að kommenta þar og ef maður hringir og kvartar fær maður bara þau svör að þetta sé vinsælt og mikið lesið.
Nokkrar athugasemdir og spurningar:
1. Af hverju ertu með mynd af ungri stelpu með glóðarauga við pistil sem inniheldur gagnrýni á fréttaflutning fjölmiðla?
2. Ert þú í aðstöðu til að geta greint alla liðsmenn HA sem „siðlausa“, sem er alvarlegur geðsjúkdómur? Eða ert þú að varpa þínum eigin gildum (eins og að fíkniefnasala sé siðlaus (NB þá hljóta allir starfsmenn ÁTVR að vera siðlausir)) yfir á fólk sem hefur einfaldlega komist að annarri niðurstöðu. Og svo það sé á hreinu þá er ég ekki að verja ofbeldisverk, né þá sem hafa gerst sekir um slíkt. Bara að velta fyrir mér hvernig þú kemst að þessari niðurstöðu, sem mér þykir anga af sleggjudómum og fyrirlitningu frekar en upplýstri niðurstöðu.
3. Ég stórefa það að Annþór Karlsson eða Guðmundur í Byrginu séu á leiðinni í heimsókn á Bessastaði, allra síst til að taka við orðu úr höndum forsetans. Þú hefur líklega bætt því við „for dramatic effect“ þar sem það er ekki nógu krassandi að ýja að því að frelsissvipting til margra ára, að vera sviptur sjálfræði og neyddur til að búa langt heiman frá sér, í burtu frá ástvinum, í samneiti við fólk sem sumt hvert er nærumhverfi sínu bókstaflega hættulegt og ætti frekar heima á geðdeild, sé bara einhver lautarferð. Aðeins fólk sem ekki getur sett sig í spor ógæfusamari samborgara getur fullyrt svona út í bláinn.
Ég er samt sammála þér með þennan fréttaflutning. Hann er fáránlegur.
Er þetta ekki bara spurningin um hvernig er sagt frá hlutunum? Það er ekkert að því að skrifa fréttir af allskonar hlutum. Fínt að halda fólki vel upplýstu um stöðu annarra í samfélaginu. Málð snýst hins vegar um hvort við eigum að hefja fólk upp tiil skýjanna fyrir að vera höfuðpaurar eða þátttakendur í einhverju því heimskulegasta og vitlausa sem um getur. Það er engin ástæða til að tala beinlínis niður til fólks en það á að tala niður gerðir svona fólks og láta aldrei hjá líða að geta þess hversu svakalegur dómgreindarbrestur það er þegar fólk hagar sér á þann hátt sem þetta lið gerir. Að traðka niður aðra, að beita aðra slíku ofbeldi er viðbjóður sem má aldrei falla í skuggann fyrir því að hugsanlega eigi ofbeldismaðurinn sér einhverja góða hlið. Engum er alls varnað en að nota frægð fólks fyrir viðbjóð að einhverju sem kallar á að það sé hafið til skýjanna í fjölmiðlum er bara fráleitt.