---

Mér var boðið í Eurovisionpartí í gær. Það var ágætt, þótt mér hafi leiðst flest lögin í þessari keppni. Þar að auki lentu þau lög sem ég spáði neðstu sætunum mjög ofarlega, eitt þeirra vann. Ég spáði Noregi sigri, en ég er líka sucker fyrir ballöðum.

Eftir að keppninni lauk skellti ég mér í bæinn þar sem ég hitti fullt af góðu fólki. Eins og svo oft áður stoppuðu mig nokkrir vegfarendur og vildu tjá sig um heimildarmyndina mína og reynslu sína af einelti. Oft sorglegar sögur. Það er þó gott til þess að vita að myndin hafi náð til einhverra.