---

Ég lenti í þeirri óskemmtilegu reynslu að brotist var inn í bílinn minn um helgina. Snillingurinn sem braust inn tók reyndar ekkert merkilegt. Bara alla skrifuðu og rispuðu geisladiskana mína EN SKILDI EFTIR GRÆURNAR. Ég hefði nú haldið að menn sem leggja það á sig að brjótast inn í eigur annarra myndu setja markið hærra en að stela gömlum þungarokksdiskum (+ nokkrum diskum með Savage Garden).

En fyrst ég er byrjaður að tala um örvita, þá langar mig líka til að senda jeppakallinum sem gerði STÓRA dæld á bílinn minn fyrir nokkrum vikum kveðjur: Það er almenn kurteisi borga fyrir skemmdir sem maður veldur!!! En ætli þú sért ekki of ríkur til að bera ábyrgð á eigin gjörðum.

p.s. Þú sem stalst diskunum mínum. Þú kannast ekki við neitt af þeirri tónlist sem þú stalst. Þeir tónar sem þú telur þig kannast við (og líklegast fílar) eru rispur sem geislaspilarinn þinn skilur ekki. Verst að þú stalst ekki mínum. ENJOY!