---

Ég er að fara á tvær ráðstefnur á Hollandi. Ég fer út næsta sunnudag og kem aftur heim 10. júlí. Ráðstefnunnar eru haldnar á vegum International Humanist and Ethical Union (IHEU) sem eru alþjóðleg samtök siðrænna húmanista og fer ég sem fulltrúi Siðmenntar. Fyrri ráðstefnan er svokallað ungliðaþing þar sem ungir húmanistar víðs vegar að úr heiminum hittast og ræða mannréttindi og frelsi til ólíkra lífsskoðana. Síðan tek ég þátt í 50 ára afmælisþingi IHEU. Þetta verður án ef bæði lærdómsrík og skemmtileg ferð. Síðustu fjóra dagana ætla ég svo að eyða í að skoða mig um í Amsterdam. Hrafnkell félagi minn sem stundar nám þar var svo góður að leyfa mér að gista þannig að kostnaðurinn helst í lágmarki. Sem betur fer þar sem ég á ekki mikinn pening núna.

Ef ég kemst í tölvu úti þá getur verið að maður birti einhverjar magnaðar ferðasögur hér