Hún hlýtur að vera á túr
Höfundur: Sigurður Hólm Gunnarsson
Efnisorð: Dagbók, Hæðni
Viðbrögð: Ummæli (
Vinkona mín hún Bryndís Nielsen skrifaði undarlega grein á Pólitík í gær (25. apríl) þar sem hún virðist nokkuð pirruð* út í grein sem ég skrifaði um daginn um litla þátttöku kvenna á vefritamarkaðinum. Satt að segja skil ég ekki af hverju þessi grein mín fer svona í taugarnar á henni. Ef ég væri ekki eins hræddur við að vera stimplaður karlremba og raun ber vitni myndi ég halda því fram að hún væri á túr.
Það sem virðist fara mest í pirrurnar* á vinkonu minni er ekki sá magnaði húmor sem undirritaður hefur, heldur sú ,,vanhugsaða“ niðurstaða hans að ástæðan fyrir lítilli þátttöku kvenna sé áhugaleysi þeirra. Henni finnst þægilegra að ímynda sér að konur séu bara ekki eins ,,framhleypnar“ og karlar. Ekki skil ég reyndar hvernig hægt er að draga þá ályktun frekar. Ég get alveg dregið þá ályktun að konur hafi minni áhuga á stjórnmálum en karlar rétt eins og ég dreg þá ályktun að karlar hafi minni áhuga á að læra hjúkrun en konur. Að sjálfsögðu er ég ekki að segja að áhugi sé eðlislægur, eitthvað sem manneskjan sem fæðist með. Come on Brynka, þetta veistu!
Markmiðið greininni var að koma eftirfarandi á framfæri:
,,Aukin þátttaka kvenna í stjórnmálum á ekki að verða að veruleika fyrir tilstuðlan þvingandi aðgerða stjórnvalda eða stjórnmálaflokka, aukin þátttaka á að koma frá kvenfólkinu sjálfu. Út á það gengur jafnrétti.“
Ég er alfarið á móti aðgerðum sem skekkja lýðræðið. Fléttulistar og kvótar eru ekki lýðræðislegar aðferðir og því get ég ekki stutt notkun þeirra. Ef 50% stjórnmálamanna EIGA að vera konur vegna þess að um 50% manna eru konur þá getum við alveg eins haft kvóta fyrir þátttöku aldraða, samkynhneigðra, fatlaðra, trúaðra, trúlausra, svartra, hvítra, bláeygðra, rauðhærðra og örvhentra. Auðvitað á að vera greiður aðgangur fyrir alla að þátttöku í stjórnmálum en það á ekki að þvinga fólk til þátttöku. Jafnrétti felst í því að hæfasti einstaklingurinn verði fyrir valinu, algerlega óháð einkennum hans. Því berst ég fyrir frelsi, jafnrétti og bræðralagi. AMEN
*Ég veit að margar kvenfrelsiskonur verða pirraðar á því að vera kallaðar pirraðar.
GIRL POWER!!!
Hver er þín skoðun?