Mulholland Dr.


Ég fór í bíó í gær með Binna vini mínum á Mulholland Dr. Það er skemmst frá því að segja að þessi mynd er mögnuð. Örugglega súrrealískasta mynd sem ég hef á ævinni séð. Leikstjóranum, David Lynch, tekst alltaf að búa til einstaklega draumkenndar mynd. Það má segja að honum takist að gera óraunveruleikann sem felst í draumkenndu ástandi raunverulegan.


Nú langar mig mikið til að sjá Lost Highway aftur en ég hef ekki séð hana síðan hún var sýnd í Laugarásbíói fyrir nokkrum árum. Ég man að ég gekk út úr þeirri mynd hugsandi með sjálfum mér: ,,Vá, þessum leikstjóra tókst að kvikmynda martröð“. Óraunveruleikinn sem felst í martröð var sérstaklega raunverulegur í Lost Highway.

Hver er þín skoðun?

Efnisorð:

Hver er þín skoðun?

Um Skoðun

Vefritið Skoðun hóf göngu sína 23. júní 1999.

Sigurður Hólm Gunnarsson er fæddur 1976 í Reykjavík. Sigurður er iðjuþjálfi, starfar sem forstöðumaður á skammtímaheimili fyrir unglinga í Reykjavík og situr í stjórn Siðmenntar – félags siðrænna húmanista á Íslandi.