---

Ég ákvað að setja dagbókarsíðuna mína í svona blogg-umhverfi til að auka líkurnar á því að ég nenni að uppfæra hana af og til.
Það getur verið svo mikið leiðindarvesen að setja þessar færslur allar í gegnum þungt vefsíðugerðarforrit. Ég veit samt ekki hvort ég hef nota þetta blogg lengi. Mér finnst of lítið af valmökuleikum í þessu. T.d. er aðeins hægt að setja ,,link“, ,,bold“ og ,,italics“ í þessu umhverfi með flýtihnöppum. Annað þarf maður að gera með html. Maður þarf að skrifa inn leiðindarkóða í hvert sinn sem maður ætlar að setja inn mynd og ef maður vill t.d. að tenglar opnist í nýjum glugga þá þarf maður að kóða það sérstaklega sýnist mér. Ég hélt satt að segja að þetta blogg-dæmi væri orðið mun fullkomnara. Kannski er ég bara ekki búin að læra á allt það sem hægt er að gera. Ef þú kannt einhver ,,trikk“ þá máttu endilega senda mér póst.