---

Klukkan 7:45 legg ég af stað frá Keflavík til Brussel. Ég er að fara í fræðsluferð um NATO ásamt átta öðrum Íslendingum auk fararstjóra. Það eru ekki nema örfáir dagar síðan ég kom heim frá Svíþjóð og örfáir mánuðir síðan ég var í Búdapest. Þannig að mér er farið að líða eins og atvinnuferðamanni.

Í þetta sinn mun ég ferðast með henni Sif Sigmarsdóttur vinkonu minni og samstarfsmanni í Ungum Jafnaðarmönnum. Þetta verðu mjög gaman, ég er viss um það. Fyrir utan Sif þá þekki ég hina þátttakendurna lítið eða ekkert en ég veit að það verður gaman að kynnast þeim.

Vegna ferðarinnar verður hvorki þessi síða né Skoðun uppfærð í nokkra daga. Ég kem heim aftur þann 13.