---

Ég hef ákveðið að skrifa dagbók á netinu. Af hverju? Góð spurning. Ég er ekki viss. Kannski vil ég bara fá útrás. Útrás fyrir skoðanir mínar, pælingar og bull. Ég hef gaman af því að skrifa og hef enn meira gaman af því þegar ég fæ viðbrögð við skrifum mínum. Ég hef hingað til skrifað heilmikið á Skoðun en hér verða annars konar skrif. Mun persónulegri pælingar og ekki eins formlegar. Við sjáum hvernig það gengur. Dagbókin verður ekki uppfærð reglulega, bara þegar ég hef þörf fyrir að tjá mig.

Talandi um Skoðun. Ritið hefur verið í fríi í nánast allt sumar. Ég stefni þó að því að byrja að skrifa aftur af krafti í haust og vonast ég til að Brynjólfur og Kolbeinn geri það einnig.